Wednesday, June 21, 2006

الشباب الدائم للألوان


تنتقل بخفة بين المطبخ ودكان الورد والشرفة والسحابة وغرفة المعيشة. ورائها تهرول قصاصات من الورق، ورائحة خبز دافئ، وصوت العصافير وهي تشدو بنشيدها القومي. يشدها من ذيل فستانها ويخرجها من دوامتها ليسأل: "لماذا لا تشيخ الألوان؟"

تنهدت. وضعت جانباً غربال الأحلام ولملمت أطراف جناحها وجلست القرفصاء على كتفه، وأحضرت البطة لتطعمها، حتى لا تتوقف عن ممارسة حياتها في خضم كل هذا الكلام. "يا عزيزي، الألوان لا تشيخ أبداً لأنها تعرف نفسها جيداً؛ تعرف ماذا تستطيع أن تفعل، وماذا تريد أن تكون".

يطرق ويتوسد خده كفه. "أنا لا أفهمك".

"لماذا؟ اسمعني: يهدر الإنسان عمره وهو يحاول أن يعرف ماهيته، وهو يحاول أن يبحث عن طريقه، وهو يحاول أن يكون شيئاً آخر. ولكن هذا الموضوع محسوم بالنسبة للألوان. أجل، حتى الألوان الباهتة، أو تلك المشتقة من درجات أخرى، ترى نفسها على حقيقتها، وتفهم دورها جيداً، وتعرف من بالضبط يستطيع أن يبصرها، ومتى يمكنه ذلك".

"هل من الطبيعي أن أتمنى أن أكون لوناً؟"

"بالتأكيد! أنا عن نفسي أتمنى أن أكون لوناً أخضراً بطعم الشمام المثلج!"

نظر لصورته في عينيها وقال: "أنا محتاج أوي أزغزغك دلوقتي".

39 comments:

  1. حلوة الفلسفة الشفافة دي
    اعتقد ان فكرة زي دي كانت نواة اوسكار وايلد لكتابة دوريان جراي
    :))
    ده بعيدا عن الزغزغة طبعا
    :)

    ReplyDelete
  2. حمد الله عالسلامة يا ست رحاب ...اخيرا حدوتة شميت فيها ريحة البرفيوم بتاعك وانت بتكتبيها ...كفارة بجد و عود احمد

    ReplyDelete
  3. جميل جدا يا حدوتة. انا استمعت بالبوست ده جدا. متغيبيش كده كتير
    :)

    ReplyDelete
  4. الألوان لا تعرف فقط ما تكون و لكنا تشعر بأهميتها في عيون من حولها، لو عرف كل منا أنه مهم لأستمرار حياة من حوله لظلننا جميعا شبابا طول العمر:)

    بحبك يا جميلة و بحب أتصبح...

    ReplyDelete
  5. أه نسيت أسأل و ليه مش حمرا زي البطيخ المنعنش، أنتي طبعا عارفة العلاقة اللي بتربطني بالبطيخ العزيز:)

    ReplyDelete
  6. ما زلتى رائعه
    وما زلت لما الاقى بوست جديد ليكى ما اقدرش غير انى اكبر صفحه الاكسبلورر
    واقعد اقرا

    ReplyDelete
  7. الله يا حدوتة .. فعلاً جميلة قوي و ملونة قوي

    صحيح هو ليه "يهدر الإنسان عمره وهو يحاول أن يعرف ماهيته " هو احنا ليه مطلعناش ألوان بجد

    في طفولة جميلة و صادقة قوي في كتاباتك يا رحاب ..

    ReplyDelete
  8. you are sooo right...

    I am the colour of blueberry sauce when i am sad - and caramel sauce when i'm happe

    ReplyDelete
  9. والبمبي؟ هي نسيت البمبي ولا إيه؟ :)

    بوست منعش وآخر حلاوة!

    ReplyDelete
  10. لأ لأ...أنا مش عاوزه تعليقات عادية...عاوزه كل واحد منكم يقول هو شايف نفسه لون إيه بظبط وبطعم أو ريحة أو ملمس أو صوت إيه

    ياللا :)

    ReplyDelete
  11. أزرق بريحة البحر في الشتا و بقدرته على النسيان .. نفسي أنسى و أغفر و أعفو....

    ReplyDelete
  12. الألوان الباهتة واللا الفاقعة
    اللون الأسود ساعات بدرجاتة بيكون محمل بفلسفة عجيبة
    انا افضلة بكل درجاته

    ReplyDelete
  13. الكحلي بلون حبر القلم الحبر ... باللون الغامق الكئيب ذو الرائحه التي تقترب من الزفاره و القرف ... الذي يخط سطور تحرك مشاعر الناس و اذا تمت اضافه اللون الابيض له اصبح لبني سماوي اللون الذي يريح العين و الاعصاب بشده ... الكحلي بلون الايام الكئيبه بلون الايام الجديده التي بلا امل ... بلون الايام الكئيبه الممله التي لا جديد فيها الايام التي اصبح مرور فتاه متوسطه الجمال من امام المقهي حدث جديد مهم ... يتكلم عنه رواد المقهي لوقت لا يقل عن ربع ساعه حتي يأتي حدث جديد اقصد فتاه جديده ... الكحلي بلون الاخبار في كل الجرائد بدءا من الدستور و صوت الامه وصولا للاهرام و الاخبار و الجمهوريه الكحلي لون ارفض ان اصطبغ به و لكن لا يوجد غيره ...
    ----------------------------
    نهاركم ابيض ان شاء الله
    انتوك

    ReplyDelete
  14. إيه الحلاوة دي :)

    كمان :)

    ReplyDelete
  15. لون التفاح
    ريحة المانجة
    طعم الشيكولاتة
    أما الملمس فده بيتغير من مود للتانى
    سعات بملمس قميص نوم قطن بناتى .. و ساعات احس انى بولوفر صوف كحلى برقبة .. و ساعات احس انى روب حرير تحته قميص شيفون احمر دم الغزال
    و ساعات كتير ببقى من غير كل ده
    اشكرك على اللعبة اللذيذة دى

    ReplyDelete
  16. رائعه كالعاده
    مش بس كده لاء وحظي معاكي انك بتلمسي الوتر الحساس ... الوضع الراهن ... الحاله عموما

    جميلة فكرة الجمال المطلق اللي مش بيشيخ ولا يتغير
    خلينا نرمي مشاكلنا ونحط في اعتبارنا جرعة التفاؤل الجميله دي

    لو حاولت العب اللعبة دي ....

    لون الشيكولاته باللبن في ليلة شتا واحنا في وسط اهلنا
    لون أزهار شجرة البوانسيانا اللي بتملا الشوارع الشهر اللي فات والشهر ده
    ريحة القاهرة القديمة والمحلات مشغله إذاعة القرآن الكريم الصبحية
    ملمس وريحة ولون جلد طفل لسه مولود

    الألوان كتير بس احنا نديها فرصة

    ReplyDelete
  17. أيوه كده! اظهروا وبانوا عليكوا الألوانو :)

    أكتر لون هيعجبني هاكتب عنه قصة...وروني عرض خيالكم :)

    ReplyDelete
  18. تنتقل بخفة بين المطبخ ودكان الورد والشرفة والسحابة" حلوة.. تصدقي ده حال بنات كتير-أو خليني أكثر وضوحاً- ده حالي إلى حد ما لو أضفت له أماكن وأشياء أخرى أتنقل بينها رمزياً.. أما بالنسبة للألوان، فأنا نفسي أكون نسيج مشبح برائحة الياسمين وطعم القرنفل ألوانه تتدرج بين الموف الفاتح والروز والسماوي والأخضر الزرعي على مية بيضا
    تخيلي الواحد بقى ألوان
    ؟؟!!
    جميييييلة
    ((:

    ReplyDelete
  19. همممم

    انا شخصيا نفسي اكون لون اصفر برتقالي ...بطعم العنب البناتي في يوم صيف حر جدا على البحر في اسكندرية وريحة اول عنقود فل اشتريته لاول بنت حبيتها وملمس نقطة مطر

    ReplyDelete
  20. أيوة كدة...هي دي رحاب حببتي إلأعرفها ؛)أما أنا فبحس إن أنا علي كل لون يا بطستة أزرق فاتح (لبني يعني) زي السما لما الدنيا بتبقي ماشية معايا، بني زي الشيكولاتة والذنب البيجيلي بعد التهام الكثير منها لما الدنيا تبقي ماشية الناحية التانية، أصفر مدي علي برتقالي زي الشمس لما بتلسع في قفا شرطي المرور في شهر 7لما بقرر أحارب و أمشيها زي مانا عايزة فتيجي ريحة المانجا مكافأة لتغلبي عليها.

    COOKIE

    ReplyDelete
  21. بمبى .. بلون قلوب البنات لما تحب :)جميله يا حدوته

    ReplyDelete
  22. أصفر فلومستر بلون الشمس فى كراسة رسم عيل صغير عنده ست سنين فى حصه رسم و بياخد على لوحته نجمه

    ReplyDelete
  23. أحمر...بلون و ريحة الفراولة البلدي.بتلمع، صغنونة و مغرية...تشمي ريحتها و متقدريش تقاومي..تاكلي واحدة، اتنين، و تلاتة..وبرضه متشبعيش منها...بتعمل حساسية ساعات... للي يقايقها..بس برضه بيفضل يحبها و بيستحمل قرص الأنتيهيستامين عشان خاطرها...جميلة يا بيري

    ReplyDelete
  24. يا سلام يا سلام يا حلاوة يا حلاوة :)

    إنتوا مليتوا أيامي وأفكاري ألوان مبهرة! كان مستخبي فين ده كله؟ كل لون قلتوه شفته وسمعته ودقته وحسيته

    ياللا...المنافسة على الفائز بقت حامية أوي :)

    كمان :)

    ReplyDelete
  25. رمادى
    حاسس انى بقيت رمادى فى كل شىء
    انتى عارفه المرحله اللى بيحاول الانسان فيها يبقى ابيض
    بس فيه نقط سودا معكره اللون الابيض ده
    فبيبقى رمادى

    نفسى ابقى ابيض
    او الاصح ارجع ابيض
    انا فاكر انى كنت ابيض فى يوم من الايام

    ReplyDelete
  26. دى أول زيارة لى فى المدونه و بصراحة عجبتنى قوى فكرة الالوان دى
    أنا بقى سـاعات بيكون لونى أبيض زى الفل فى نقائه، وسـاعات أزرق زى السـما فى صفائها، وسـاعات تانيه بيكون لونى أخضر زى حقل كبير مسـتنى صاحبه علشـان يرويه، و سـاعات أصفر زى سـنابل القمح تحت قرص الشـمس الدافى وسـاعات شـفافه زى الميه
    وفى أوقات تانيه بيكون لونى أحمر لون حمم البركان اللى نفسـها تطلع ومش عارفة، وأوقات بيكون لونى أسـود وأسـود من قرن الخروب كمان، وسـاعات كحلى زى اليوم اللى مطلعتلوش شـمس
    بإختصار أنا حالى زى الدنيا... على كل لون يا بطصطة

    ReplyDelete
  27. أنا مأشوفتش و عايزة ألعب....
    أنا بقي يا رحاب بأحس ان أنا ملونة بكل الوان قوس قزح، في كل احساس مختلف بيظهر لون معين. يعني و أنا منطلقة و طفولية بأحس ان أنا أحمر مستوي زي البطيخ في موسمه و بأشم فيه مصر الحسين و الأزهر و وسط البلد. أما في أوقات فراغي و وحدتي بأحس ان أنا بلون البرتقال الشتوي الحنون المدفي في بطانية صوف...أما و أنا غاضبة بأشوف نفسي صفراء بلون البطاطس المحمرة الخطر علي الرشاقة و برضه بأشم ريحة كوباية دسمة من الموز باللبن. في حياتي العادية بأكون خضراء زي أرض الفلاحين الطيبيين و قلب الأطفال المولودين و بملمس عشب الببايرس الأصيل اللي شكله خشن لكنه غير كده خالص.
    و أنا رومانسية بأشوف نفسي زرقاء زي بحر اسكندرية و طعمه زي التوت الأزرق علي كيكة جبنة لذيذة. أه من اللون الكحلي فهو لون ايامنا ، لون الحوادث و الظلمو السجون و الحروب. هو لون الطبيعة الغاضبة و لون الحزن جوانا و ريحة أمواتنا.
    البنفسجي أحد ألواني المفضلة، فهو لون قلم مدرستي زمان و لون ابتسامة بنتي و لون فستاني القطني أيام زمان برضه..لون برائتي و سعادتي كمان:)

    ReplyDelete
  28. كوكي يا حياتي...وماله...حيي سوكو العظيمة :)

    أنا مبهورة بيكم جداً أصلاً...وإنتوا الاتنين فاجئتوني بالألوان والصور المبهرة دي كلها :)

    Viva WOA! ;)

    ReplyDelete
  29. انتي الهامي يا حبيبتي:) كوكي يا جامدة يا عسل وحشتيني:)
    نسيت أٌول صورة أن و أنا بأحب بأكون بيضاء زي الكرية شانتيه فوق مهلبية بالمستكة، و بيضاء زي ريحة الفانيليا من فنجان كابتشينو دافي في مقهي في الكوربة في عز المطر و أهم من ده كله بيضاء زي دحكتك يا رحوبة:)

    ReplyDelete
  30. اللون أزرق طبعا, لون السما الصافيه و لون البحر و رحته و صوته اللي مرتبط عندي دايما بصوت فيروز ... معرفش ليه كل لما أسمع فيروز أشوف البحر , و كل ما أشوف البحر صوت فيروز يدندن في وداني ........ و هو في ايه أحلى من اني أعد أدام البحر و أسمع فيروز و أحلم

    ReplyDelete
  31. رحاب
    ح قول لك على الوانى فى بوست بحاله.. مش بس تعليق
    فكرتك جامدة جدا كالمتوقع من المعتاد

    :)

    ReplyDelete
  32. قلوب البش .. ألوان .. ألوان
    ده لون حجر .. وده لون إنسان ..
    أبيض حليب .. يا حنان الأم ..
    أحمر بخاف م الآه وم الدم ...
    أسود بلاش .. ماكفاية يا عم ..
    وساعات سماوي .. عاشق وغاوي
    وساعات ب لون الفرح ب أكون ..
    وبرتقاني مشمشي مجنون ..
    وساعات ب لون الصبر غناوي ..
    وبني .. زيتي ..وكحلي رمادي
    غريب وأنا ف حضنك يا بلادي ..
    ب لون القمر ...
    وساعات لون عادي ..
    وقلب البشر ألوان ألوان
    علي ..

    ReplyDelete
  33. انت عارفة حاجة بقى..دايما باتخيل الناس ألوان وكمان أيام الأسبوع...بس عمري ما تخيلت نفسي لون..صعب قوي الحقيقة.
    صديقي المفضل لونه شفاف،،شوفتي اللون ده بقى جديد صح؟

    ممكن ماتكنش زغزغة تكون عضة خفيفة وجميلة كده :-)

    ReplyDelete
  34. أزرق سماوي، بنكهة البحر المنتعش و ملمس جلد كرش التنين.

    ReplyDelete
  35. Great ya Rehab as usual. I see myself as "l'arc en ciel" with many colours. Everytime with a colour referring to the emotional and psychological state am in. The worst part is when the weather turns bad, thus all my colours disappear. But then, laa bodd min el rabee3 again ;-)

    Sowarek kteeeeeeeeeeeeer 7ilweh, dol mashahed masra7iyya bi 7alha ya rehab.

    Sorry i didn't understand what do u mean by "azaghzaghek" because we don't use this word in Lebanon. Please somebody, tell me what does it mean.

    ReplyDelete
  36. By the way, in corporal expression exercises in Theatre, when we act as objects, we have to imagine even what colour is the object because the idea of colours within us is very strong. So we imitate the colour with our body.

    ReplyDelete
  37. ahlan Kholoud :) "azaghzaghek" ya3ni to tickle you :)

    the idea of imitating the color with your body is amazing! I wonder how green will be like. You owe me a color 3ala fekra :) l'arc en ciel is just too general :P

    ألف...ملمس جلد كرش التنين؟ علاء عارف الموضوع ده؟

    دعاء...فيروز والبحر يعني أنا وإنتي في المصيف :) طبعا بالإضافة إلى فطير وزلابيا كتيييير :) نورتيني

    نعامة...جديدة فكرة ألوان الأسبوع :) هافكر فيها دي

    علي...خطوة عزيزة خالص :)

    لستو...بلاش الحركات دي...عاوزه لون فوراً...مش هاقعد استنى بوست وهمي :P

    يوم جميل للكل

    ReplyDelete
  38. ya tara ...ya hal tara ....beta333 el bateeekh howa betaaa3 el zaghzagha???....ya sh2ya ya mogrema...

    radwa atef fouad

    ReplyDelete