بمنتهى الحيادية والموضوعية، وبعيداً عن الرز باللبن أو المهلبية، أحب اقدم لكم تسجيل حلقة "أنت تسأل والكمبيوتر يجيب" اللي أذاع فيها الأستاذ صلاح حجازي قصة "أرز باللبن لشخصين" (متبعاً مبدأ لوي الدراع)، وده علشان أنا جاتلي طلبات كتير من أصدقاء البرنامج بيعيطوا وبيطالبوا بإعادة إذاعة الحلقة لإنهم من ساعة ما فاتهم البرنامج مش جايلهم نوم. وأحب أحذركم إن البرنامج ده مش للهواة، واللي هيستهبل هنحرمه من سماع البرنامج العام!
اضغط هنا لتحميل البرنامج واستمتع!
والله ياجماعه مبطلتش ضحك وانا اتابع الموضوع بتاعكم ده وانا بعيد عن الوطن
ReplyDeleteالمضحك ان اى عيل او عيله يستطيع الضرب على الكىبورد ممكن يعمل بلوج ويقول فيه اى كلام ويصدق انه كتب اعمال فكريه يحميها قانون وهى فى الحقيقه كما نرى فى معظم البلوجات لاتزيد عن كتابات جمعيه ادبيه فى مدرسه ثانويه
دا الكويس فيها والغريب لما اعلاميين محترفين يعبرو حد من اصحاب البلوجات ويقدموا اى حاجه ممكن تتقدم نخبت فى الأرض زى العيال
انا ارى ان تصرف البرنامج كان متحضرا ان ابلغكم بموعد الأذاعه وحاول ان يشرح لكم انه لا يقدم عملا فكريا وانما دراسه مثل ما يقوم اى باحث نفسى او اجتماعى بدراسة ظاهره وكان يمكنه ان لا يخطراحد
ياريت نتخلص من البارانويا والغرور ونعرف ان معظم ما يكتب فى البلوجات لا يزيد عن كتابات هواه
حسن حكيم
والله كلام مظبوط
ReplyDeleteحكيم فعلا
اطلعوا من دول يا سكرتارية البرنامج الأذاعى انت تسال والكمبيوتر يجيب
ReplyDelete
ReplyDeleteالأستاذ حسن حكيم،
- حقوق النشر ليس لها علاقة بالمستوى الأدبي للنص.
- منطق "هو انتو تطولو حد يعبركم" هو منطق غريب . كل كاتب سواء من المبتدئين او المعروفين يستحق التعامل
معه و مع ما يكتب بإحترام
- استمعت للجزء المسجل للحلقة في هذه التدوينة ولم أجد أى نوع من النقد أو الدراسة للنص.
rehab i realy like ur works , but i think u over reacted about what they do to ur tale and i think every writer like to spread his works allover and i think they did so and in a nice presentation , so plz keep on good writing and stop this silly complaining
ReplyDeleteانا مستع للبرنامج على القمر رالصناعى وهذه ليست الحلقه الوحيده عن البلوج سبقها حلقات اخرى وكلها تكون دراسه
ReplyDeleteحسن
أولا شكرا يا رحاب على التدوينه الرائعه دي ولو إني مش بقول حاجه جديدة بس شهادة حق :)
ReplyDelete---------
الأستاذ المجهول اللي وقع باسم حسن الحكيم
خاطرة "أرز باللبن لشخصين" باعتبرها مؤهلة بامتياز للنشر كقصة قصيرة وده رأيي الشخصي
أما عن الإشارة إلى أن البرنامج قام بتقديم دراسة، فعن أي دراسة تتحدث؟!
البرنامج قدم قراءة صوتية بطريقة سمجه تتخللها تعليقات زي:
"والرز حتعملي فيه ايه؟"
"ليه؟"
"ياعيني؟!"
ولم يرق هذا التقديم لمستوى إذاعة البرنامج الثقافي في عرض الأعمال الفنية صوتيا مع إضافة النقد والتحليل اللازمين
والغريب هو ما علاقة المستمع الذي أتى لـ"يسأل" بالكمبيوتر ... ذلك الاختراع الغامض والذي يتحتم عليه أن "يجيب"
من تجربتي الشخصية مع وسائل الإعلام المصرية، أعلم تماما أن (الناس دي بتدور على أي مادة تلفت انتباه القاعده العريضة من أفراد الشعب المسكين الذي يصيبه الهلع من كلمات مثل كمبيوتر وتكنولوجيا وإنترنت).
حضرتك تخليت عن أسلوب الحوار اللائق عندما قلت (أى عيل أو عيلة)وفي هذا استخفاف وإهانة لصاحبة هذه الصفحة ...
أما عن الضرب على الكيبورد ...البلوجز أو المدونات طريقة للتعبير/الصحافة الحرة/الأدب ومعترف بيها في دول العالم المتحضر بأنها وسيلة راقية للتعبير والإبداع وحرية الكلمة وتسمى أحيانا بالصحافة البديلة.
أضحكتني أنت بشدة عندما قلت "انا ارى ان تصرف البرنامج كان متحضرا ان ابلغكم بموعد الأذاعه "لا لم يكن متحضرا، فليس من حقه أن يبلغ عن فعلته ويجري بهذه الطريقة!
وأخيرا يا سيدي المحترم ... لما شخص يدافع عن حقوقه ده مش معناه الغرور والبارانويا ... دي أبسط حقوق أي إنسان يحترم نفسه.
ma3lesh west el za7ma bas 7aba a2olek 3id sa3id w kol sana wenti tayeba :)
ReplyDeletei like your writing.it s sweet.when u have mention your story about rice with milk.i didn t read before but i find it in another blog.i am not sure but it was in ihath s blog where i read it and i enjoy it very mutch.thanks verymutch.keep delighting us with your words.
ReplyDeleteيا جماعة من فضلكم...الشتايم مش هتحل حاجة ولا هتوصل نقطة لحد. أنا حطيت تسجيل الحلقة هنا علشان محدش يقول إني متحاملة ولا إني ضيعت فرصتي في العالمية والشهرة. أنا رأيي وموقفي واضحين، والقانون اللي مش عاجب ناس كتير واضح، ورأي الأستاذ صلاح وسكرتارية البرنامج برضه واضح
ReplyDeleteطلب واحد بس من مجموعة الأنانيموس الي بيمدحوا في البرنامج العظيم الي بيقدم "دراسة" عن المدونات. فين الدراسة؟؟ أصل معلش انا زي ما قال عليا الأستاذ العظيم صلاح في المدونة بتاعتي ومن غير مقدامات كده مش لاقيا الدراسة علشان مريضة نفسيا. شفتوا والنبي مستوى الحوار. ثانيا فعلا من أيمتى حقوق النشر ليها دعوة بمستوى الي بيتكتب؟
ReplyDeleteوالله يآنسه او يامدام رحاب انت شخصيه مسليه فلا زلت قادره على اضحاكى هل تعرفين لماذا
ReplyDeleteلأنك قمت بالأعتداء وبشكل سافر لا لبس فيه بالسطو على حقوق الآخرين دون أذن منهم وايضا انت يمكن ان تتهمى بتشويه عمل والأساءه له فضلا عن الأعتداء على المال العام
كيف
الا تعلمين انه لا يجوز لك تسجيل ما تملكه أذاعة الدوله ؟ يمكنك بالطبع تسجيل شىء لأستخدامك ولا من شاف ولا من درى ولكن نشرك له متشويهه يعاقب عليه القانون وبدون لبس
وهكذا تقعين فيما تعترضين عليه وبشكل افظع بكثير
كم نحن متناقضون وتهرجيون زنستحق ان نكون ممن يصعب حالهم على الكافر والمجتمعات التى تتقدم بينما نتاخر نحن
وماتخفيش لن ابلغ اتحاد الأذاعه والتيلفزيون
حسن الحكيم
إحنا هدفنا إيه غير تسلية الجمهور؟ وعلى فكرة أنا حطيت البرنامج زي ما هو بالظبط...لا شوهته ولا حاجة...لو أنت شايف إنه مشوه ممكن تبلغ رأيك ده للأستاذ صلاح
ReplyDeleteممكن بعد إذنك تجيب لي نص القانون اللي بيمنع إني اسجل حاجة من الإذاعة؟ وبعدين البرنامج ما اذاعش حاجة هو كاتبها مثلاً أو عمل فيها أي مجهود غير القراءة والحذف...هو أذاع حاجة بتاعتي أصلاً...حضرتك بتخلط بين الأمور
هل فعلا لاتعرفين انه لا يستطيع احد ولا مؤلف او مقدم البرنامج توزيع ولا اقول تسجيل ماده من الأذاعه
ReplyDeleteويعتبر هذا اختلاس لمال عام لأن اى ماده هى ملك للأذاعه وليس لمؤلفها او مقدمها بل لو قام ببيعها لجهه اخرى يساءل
يظهر كلامي ما كانش واضح...أنا ماكنتش بسأل عن معلومة من حضرتك...أنا كنت بسأل عن نص القانون
ReplyDeleteالقانون هو قانون أتحاد الأذاعه والتيلفزيون المعدل سنة 1989
ReplyDeleteوالذى يعطى الأتحاد احتكار توزيع واكرر توزيع اى ماده تنطلق منه والذى يقوم القطاع الأقتصادى بتسويقها فى العالم كحق احتكارى امال فين اعضاء الشله اللى باسم الله ماشاء الله فقهاء قانون وفلاسفه وادباء ومنظرون ومتشنجون؟
حسن الحكيم
دولة الأمارات
الأستاذ حسن الحكيم...متشكرة على المعلومة لكن أنا محتاجة اتأكد منها من مصدر قانوني موثوق فيه، وإذا ثبت إن الكلام ده صحيح فعلاً فأنا هأشيل تسجيل الحلقة من المدونة هنا، لأن زي ما بأطلب من الناس إنهم يحترموا القانون فيما يخصني ويحمي حقوقي فبالتالي لازم اعاملهم بالمثل
ReplyDeleteالشلة مشغولة لأنه يوم عيد وأفضل انهم بعد مايرجعو يمتنعو عن الدخول في الجدل ده لان كل اللي علقو هنا علقو بموضوعية وللأسف بيتشتمو أو بتنالهم السخرية في المقابل
ReplyDeleteالغريب ان الصفحة دي بمحتوياتها وهي ملك لشخص واحد ... تقدر تمحي كل اللي فيها بضغطة زر وتمنع أي إزعاج
وعلى الرغم ان ده محصلش، لسه مفيش احترام لخصوصيات الناس وأعمالهم (أيا كان مستواها) ... ولسه بنجادل
تحياتنا على سعة صدرك واحتمالك يا رحاب
اعتقد ان الأستاذ حسام خلف اصاب كبد الحقيقه كما يقال
ReplyDeleteطبعا الشتيمه عيب ولا يصح ان تكون اسلوب الناس اصحاب الفكر
المشكله الوحيده هو ان اول من يحتاج لسماع هذه النصيحه هو الأستاذ خلف نفسه
اليس هو صاحب كلمة سمج وهى كلمه اظن غريبه على لغة النقد وكذلك هو صاحب اتهامه لكل الأعلاميين بانهم يعملون بتخطيط تآمرى شيطانى لأرباك الشعب المسكين بالتكنولوجيا ومصطلحاتها
ويطلب من البرنامج العام فى نفس الوقت ان يكون مثل البرنامج الثقافى مع ان العام موجه لهذا الشعب المسكين الساذج ولا يصح بالتالى ان نخاطبه بتعالى او باشياء لا يفهمها
وانا من الذين يتابعون البرنامج على القمر نايل سات واقترح عليه ان يزور موقع البرنامج ويرى المحهود الذى يبذله دون اى مساعده من مصر لنشر التكنولوجيا من سنوات بعيده
العنوان هو
http:cairocomputer.tripod.com
Magdy
العنوان الصحيحطبعا
ReplyDeletehttp://cairocomputer.tripod.com
IT IS TRUE LITTLE KNOWLEDGE IS DANGEROUS.THEREFORE LRT US LEARN BEFORE WE JUDGE.
Magdy YOUSSEF
هذا الموقع اعتقد هو الوحيد فى مصر
ReplyDeleteموقع البرنامج الذى نتحدث عنه يقدم احدث ما فى العلم والتكنولوجيا ساعه بساعه اقول ساعه بساعه ومن مصادرها فى كل انحاء العالم مجلات علميه مراكز ابحاث جامعلت فى اى مكان فى الدنيا ساعه بساعه
بالضافه الى آخر الأخبار التى تهم منطقتنا
مجدى
Rehab,
ReplyDeleteIf I was you, I would raise a huge stink about this. I would call the radio station and ask to talk to the manager, the host, the producer and everybody else involved. I would also contact a lawyer and ask them about my options. This is absolutly outrageous.
،أنا سمعت البرنامج
ReplyDeleteهل أفلس هؤلاء "الاعلاميون" حتى يضطروا لسرقة ابداعات الآخرين. وأين هي تلك الدراسة؟
رحاب لم تعتدِ على قانون الملكية الفكرية، ولكن
(الاعلاميين)، مع تحفظي
(المحترفين)، مع تحفظي
(المسؤولين)، مع تحفظي
عن
البرنامج، مع تحفظي
نسوا أو تناسوا "حقوق المبدع الأدبية" ومجرد ذكر اسم رحاب في الالقاء ليس كافياً
هذا البرنامج "الاذاعي" تمكن من قتل الخيال الراقي والرقيق الذي تصورته وأنا أقرأ الخاطرة وذلك حين أتذكر المذيعة ذات الالقاء السخيف وهي تقرأها والأخ الذي يعقب عليها بـســـــمــــاجـــة،أكرر، ســـماااااااجة
كلمة أخيرة:
عــــــيـــــــب
ندى - دبي
والله ياجماعه انا عاوزكم تهدوا اعصابكم طبعا اقصد الثائرين الذين لا يرضيهم اقل من تحويل اوراق القضيه للمفتى قبل صدور الخكم بالأعدام
ReplyDeleteانا عاوز اسال ليه الطيارين لا يحتاجون لفيزا لدخول البلاد المسافرين اليها؟
طبعا واحد نبيه سنبرى ويقول ودا ايه علاقته بالبرنامج
انا عاوز ارد بملحوظه صحيحه قالها اظن الأخ خليفه المدونات هى صحافه بديله هكذا جرى العرف فى العالم الذى اخترع الأنترنت كويس؟
عظيم
لو وسائل الأعلام ارادت وده شغلها تقدم اقوال الصحف اليوميه
الصحف ايه اليوميه يعنى اللى مينفعش تبات لتانى يوم
لو حبت تقدم اقوال الصحف اليوميه هل تحتاج لأذن من اصحاب المقالات ؟
يمكن واحد يرد ايوه ليه لأ يرفعوا السماعه ويستاذنوا
جميل طيب لو اقوال الصحف من صحف فى اميركا والا الرازيل محتاجين لوقت اد ايه حتى يجتمع مجلس التحرير ويرد بالموافقه
طبعا كتكون الجريده بقت بايته ومتنفعش
ولذلك
ولذلك كمان مره
جرى العرف على ان لا تستاذن وسائل الأعلام مثل الأذاعه والتيلفزيون فى هذه الحاله لضيق الوقت وهو ما قاله مقدم برنامجنا وكان على حق ولم يفهم المقصود ولا واحد والمقصود هو ما شرحته
وضيق الوقت هو الذى جعل العرف يسمح للطيارين بعدم الحصول على فيزا لأنهم كل يوم فى بلد واستخراج فيزا يعنى انهم مش طيرين فى سنتهم
ثانيا
لماذا يكتب صاحب المدونه فى مدونته
لماذا لا يحتفظ بما يكتب لنفسه وللمقربين من الأصدقاء
طبعا لن اصدق من يقول شىء غير الوصول الى اكبر عدد ممكن من القراء
وهذا توفره وسائل الأعلام الجماهيريه مثل الأذاعه والتيلفزيون
ما رايكم بعد ان يهدا الكل ويفكروا بهدوء وعقل؟
حسن الحكيم
الفرق واضح بين الصحافة والمدونة محل الجدل القائم
ReplyDeleteأنواع المدونات المذكورة كما ذكرت أنا سابقا على سبيل المثال"البلوجز أو المدونات طريقة للتعبير/الصحافة الحرة/الأدب... " ومدونتا تنتمي إلى النوع الأخير بالإضافة إلى بعض اليوميات والملاحظات الشخصية ... أنتظر التصحيح من رحاب في حالة عكس ذلك
في حالة الصحافة
-------
الأخبار في الغالب عاجلة.
لا تضع الصحف علامة حقوق الملكية © أو تحذير من النسخ والاقتباس بدون تصريح.
العرف هو ذكر المصدر وهو(وكالة أنباء أو صحيفة أو إذاعة).
بعض الأخبار والصور لا يمكن نشرها إلا بتصريح من وكالة الأنباء، قد يكون على هيئة اشتراك مالي مقابل الحصول على/أو إعادة تقديم الخبر أو الصورة ويكون ذلك من
خلال wire أو Feed على سبيل المثال.
في حالة المدونة
-------
هذه المدونة غير إخبارية والقصة المستخدمة في البرنامج ليست خبرا على أي حال.
الأخبار في المدونات المخصصة للأخبار توضع في الأصل بغرض نشر قدر أكبر من الحرية والأمر يرجع لصاحب الصفحة.
توجد علامة © واضحة في نهاية هذه الصفحة مع تحذير من النسخ أو إعادة الإنتاج أو النشر أو التعديل أو الاقتباس لخلق عمل جديد أو الإرسال أو الترجمة أو الإذاعة أو
الإتاحة للجمهور بأي شكل دون الحصول على إذن كتابي مسبق ... الكلام واضح جدا
لهذا فالتشبيه بالأخبار وطبيعة عمل الطيارين في غير محله ويبدو أن الاستعجال كان بسبب محاولة إيجاد مادة للحاق بموعد البرنامج.
مجدي يوسف قام بارسال نسخة من أحد ردوده السابقة مع إضافة كلام يدعي ضمنيا أنني قلته ثم ختم بإهانة مرفوضة وذلك داخل تعليق على صورة في مدونة تخصني وقد قمت بعمل رفض reject للتعليق لأن الحوار ليس في محلة ... (من فضلك احترم خصوصيتي واحترم صفحتي أنا كمان ولو عاوز تراسلني، ايميلي موجود وواضح في صفحة البروفايل الخاصة بي)
مدونة صور خاصة بي ... ماعلاقتها بموضوعنا حتى تكتب اسفلها كلام غير متعلق بها؟
ولا ده كمان خبر عاجل ولا يحتمل الانتظار ؟! الإيميل مكتوب بمنتهى الوضوح نصيا وليس على هئية رابط!!!
من هو حسن الحكيم ومن هو مجدي يوسف
تفضلوا بتقديم أنفسكم بدلا من الهجوم تحت اسم Anonymous والتوقيع بأحد هذين الاسمين
أتمنى عدم الخروج عن الموضوع الأصلي وهو النقل واستخدام أعمال الآخرين بدون استئذان وأعتذر للجميع على الإطالة
هذا تضامنا مع أصحاب الحق حتى نستطيع أن نتقدم يوما ما ...
ان تأخذ جهدى بلا رغبة منى فى ذلك فهى سرقة , الأمر واضح
ReplyDeleteثم كيف ضاق وقت معد البرنامج؟ هوا هايموت قريب مثلا؟
السؤال هو : الى اى حد يمتلك كاتب البلوج كتابته؟
المشكلة دي وطريقة تعامل المذيع من الاذاعة ولتلفزيون خلتني أفتكر مشكلة الدستور.
ReplyDeleteالاتنين عملوا شيئ مشابه بس رد الفعل بعد الاعتراض مختلف
واحد اعتذر واتأسف ولم يجرؤ ان يهاجم من يقتبس منهم أو يقول كما قال الآخر وانتم كنتم تطولوا اننا نعبركم أو كتاباتكم تعبانة ومعفنة واحنا أنقذناها يا هواة يا بتوع صحف الحائط
اعتذار متأخر لصحفي الدستور
فعلا معرفتش قيمتك غير لما شفت السادة بتوع أول من ادخل الكمبيوتر الاذاعة
العزيزه رحاب كل الدعم منى فى حربك ضد (لصوص الحواديت)و شكرا لهم لأنهم ارشدونى بغباوتهم لمدونتك الرائعه هذا ردى على الأخ (صلاح)فى مدونته لأنه يمكن يشيل الرد وبكده أكون قدرت انشر رأى فيه
ReplyDelete(عزيزى صلاح
بعد قرأة الحدوته الأصليه ثم الأستماع الى برنامجكم الكريم لا أقدر ان اقول سوى شىء واحد( يخرب بيتكم)حولتم الحدوته الى صفحه فى كتاب ابله نظيره خصوصاٌ مع مداخلاتك فى البرنامج انقلوا الحلقه لبرنامج الى ربات البيوت احسن.
غير كده كل انسان من حقه انه يدافع عن افكاره حتى لو كان (مش مشهور)ولا انتا يعنى اتولدت مشهور )
عفوا للأطاله
كنت أهملت هذا الحوار، لكن ما كتبه السكريتير المتنكر حسن الحكيم يستدعي التعقيب بالتصحيح لأنه يمس شأنا عاما:
ReplyDelete"الا تعلمين انه لا يجوز لك تسجيل ما تملكه أذاعة الدوله "
كل ما تنتجه أجهزة الدولة من برامج و مطبوعات و مواقع و نشرات و تقارير عن أداء الإدارة و أي عمل يندرج تحت بند المصنفات الفنية أو الإنتاج الفكري هو ملك للشعب لأنه منتج بأموالهم و من أجلهم، هذا في الدول المتقدمة التي لا تظن فيها الحكومات أنها وصيّة و مانحة و هبة من الله للشعب.
و في كل الأحوال فبينما على الإذاعة -و هي المتعدية في هذه القضية - أن تلتزم بالقوانين المصرية كجهاز حكومي، فإن استخدام مدونة فردية لا يندرج تحت هذه الحماية في أغشم صورها المعروفة و خصوصا أنها تنتمي إلى نطاق لم تتطرق إليه القوانين المصرية المتخلفة بعد بشكل لائق، و لا معظم قوانين العالم.
I had posted this on the program's blog, and found it fair to the same text here too.
ReplyDeleteأستاذ صلاح،
أحب أن أوضح لكم نقطة أثرتها بأنك لم تخالف حقوق الطبع. آسف، فأنت خالفت القانون. ما فعلته ليس نفس الشيء مثل وضع وصلة لعنوان على الانترنت. لقد قمت بنسخ المعلومات من على موقع وتغيير صيغته من نص مكتوب إلى نص إذاعى بدون الحصول على إذن كتابى من صاحب العمل. القانون صريح ولا مجال للتلاعب فيه فى هذه النقطة، لأن ألف واحد كل يوم يحاولون الالتفاف حوله، ويفشلون.
إذا كنت تريد أن تفعل الشئ القانونى (المماثل لوضع وصلة على موقع الانترنت)، فإنك تقول فى برنامجك: "أعزائى المستمعين، لقد سألت الكومبيوتر عن موقع ممتاز، وأجاب أن موقع رحاب بسام به مقال/تدوينه شاعرية عن عمل أرز باللبن لشخصين، وأنا أنصح بقراءته، والعنوان هو ......"
أما بالنسبة لاستخدام أعمال الآخرين فى عمل الدراسات، دعنى أوضح هذه النقطة. الهدف من حماية الملكية الفكرية ليس حماية "دخل الكاتب" لكنه حماية لأملاكه. فمثلا إذا كان لديك ملابس من أيام الجامعة، ولن ترتديها أبدا، وليس لها قيمة مادية لأنها ملابس قديمة، وجاء أحدهم وأخذ تلك الملابس، فإن ذلك يعتبر سرقة، ليس لأن سرقة تلك الملابس تعنى أنك ستشترى غيرها، لكن لأن تلك الملابس هى ملك لك بغض النظر عن قيمتها. أما ما قلته عن استخدام تلك المواد فى الدراسات. لا يمكن لأى انسان أيا كان عمل نسخة من أى مؤلف (أو تغيير صيغته من ورقى إلى اليكترونى أو صوتى) بدون إذن كتابى صريح من صاحب العمل. مستحيل. وإذا كان الغرض هو البحث العلمى أو كتابة رسالة دكتوراه كما ذكرت فإن الطالب ينقل من النص سطرا أو اثنين أو حتى فقرة من رواية طويلة، ويمنعه القانون من نسخ أكثر من عشرة بالمائة من النص الأصلى (وإذا أخذ اثنان بالمائة فإنه عادة يرسب لأنه "طالب خايب" وليس لديه ما يقوله فينقل كلام الآخرين كى يحشو الرسالة) – وأعتقد أن البرنامج قد استخدم أكثر من تلك العشرة بالمائة. كما أن الأمانة تقتضى ذكر مصدر المعلومات، حتى لو أخذ مجرد الأفكار، وليس نص العمل، فإذا لم يشر الطالب بالضبط إلى العمل برقم الصفحة ممكن يرسب أيضا، لأن فى تلك الحالة تكون الدراسة ليست لها قيمة، ويصبح "كلام مقاهى"، أو يكون قد اقترف سرقة أكاديمية، وفى تلك الحالة يرسب أيضا ثم نفصله من الجامعة ولا يتمكن من دخول أى برنامج دراسى أخر ما تبقى له من الحياة. واشارتك إلى اسم رحاب بمجرد اسمها الأول ليس ذكر لمصدر المعلومات (هناك ملايين من الرحابات فى العالم)، لكن طريقة ذكر المصدر أن تذكر اسمها بالكامل، وعنوان الانترنت بالتفصيل، والتاريخ الذى حصلت فيه على هذا النص. فإن لم تفعل ذلك، لا تسمها دراسة أو بحث. قد تكون هناك معايير مختلفة أقل صرامة لذكر المصادر الإذاعية – على أساس أنها موجهة للمستمع العام وليس للمتخصص – لكنى متأكد أن تلك المعايير تتطلب من المعد والمذيع أن يكون أكثر دقة من مجرد قول "رحاب" .
ومن المؤسف حقيقة أن يحدث مثل هذا الفعل من برنامج فى أعرق الإذاعات العربية، والمؤسف أكثر أن تلك الإذاعة ليس بها محام واحد يشرح لكم أن ما حدث ليس سليما. هل تفعل الإذاعة نفس الشئ مع الأغانى أيضا؟ أو مع البرامج التى تذيعها المحطات الأخرى؟ تذيعها على الرغم من أصحابها؟ وإذا لم يكن لدي الإذاعة من يعرف بقوانين حماية الملكية الفكرية، والله عال، من باكر سوف أقوم بتسجيل كافة أغانى وبيعها على الأرصفة بمليم (أو تصديرها وبيعها بالدولار- إذا وجدت من يشترى)!!
المشكلة ليست مشكلة جودة القراءة ولا حذف أجزاء من النص (مع احتفاظ الكاتبة بحقها فى الاعتراض على ذلك أيضا)، أو أنها كاتبة "مبتدئة" (بالمناسبة، أنا أقرأ لها وليوسف إدريس، ولا ثالت لهما بالعربية!! هذا ذوقى وأنا حر فيه) المشكلة هى أنك سمحت لنفسك (لأنك رجل ذائع الصيت) بأن تستخدم ما ليس ملكك. هل خطر لك أنه من الممكن ألا تكون رحاب مصرية- وأنها تريد قراءة ما كتبته بلهجة أخرى؟ أو أن تكون تكره البرنامج العام، وتفضل الشرق الأوسط، أو أن تكون قد مضت على عقد تحويل القصة إلى مسلسل فى رمضان القادم؟ أو أن أنها على وشك عملها أغنية مع شعبان عبد الرحيم؟ أو أنها كانت ستستخدمها إعلان رز باللبن لحساب "الشركة المتحدة لصناعة الأرز باللبن لشخصين"، أو أنها خجولة ولا تحب اسمها فى الاذاعة، أو أن أبوها حالف عليها أن تتوقف عن الكتابه، والان يعاقبها بالحرمان من الميراث؟ أو أى شئ لا يخصك أن تعرفه، لكنك أفسدته عليها؟
أقترح عليك أن تذيع اعتذار فى البرنامج عن هذا الخطأ، وتقول أنه غير مقصود. وبعد ذلك ربما توافق رحاب على عدم مقاضاتك شخصيا ومقاضاة الإذاعة التى تعمل بها. عمل ندوة بالتليفزيون فكرة جيدة، لكن لو كنت مكانك لما فعلتها، لأن لو ظهرت رحاب أمام كاميرا وقرأت أمام الناس صفحة واحدة من قانون حقوق الطبع فإن ذلك سيتسبب فى إحراج كبير لك وللبرنامج وللإذاعة المصرية عموما. الطيب أحسن
يا رحاب،
إذا تركتى حقك، فإنك بذلك تشجعينه وغيره على تكرار ذلك جهارا نهارا مع غيرك. غيرك ترك حقه، فشجعه ذلك على أخذ حقك، ومن يرضى بذلك، فإنه يستحقه.
بالمناسبه، أنا لست محاميا، ولا كاتبا، لكنى مستمع يحب أن يحتفظ باحترامه لإذاعة بلده
الى الآنسه رحاب
ReplyDeleteنعتقد انه آن الأوان لهذا الجدل العقيم ان يتوقف ونود ان نوضح لك مايلى
اولا نحن لا ولن نقصد ان نسىء او نغضب احدا او نستولى على عمل احد
ودليلنا اننا قدمنا فكرتك بروح متعاطفه وابدينا صراحة اعجابنا بها وذكرنا اسمك الأول اعتقادا منا ان هذا هو اسم الشهره الذى تفضلينه
وعادة نستقبل طلبات بعنوان الموقع الذى نتحدث عنه وفى هذه الحاله اما ان نذيعه فى البرنامج او نرسله باى وسيله اخرى وهذا ماكنا بالطبع ننوى عمله
ثانيا لا يوجد اعلامى يغضب مصادره وانت ممن نعتبرهم مصدر لنا سواء اخذنا من عملك شيئا ام لم ناخذ
ونقصد ان المدونات الجيده هى مصدر مهم لنا لانستطيع اغفاله
ثالثا هناك بالفعل لبس فى تحديد الوضع القانونى للمدونات هل هى صحافه فيمكننا ان ناخذ منها مثل ما نفعل مع الصحف مع الأكتفاء بالأشاره الى اسم الجريده ام هى منشورات مطبوعه فتخضع لحقوق النشر وللعلم لجدة الموضوع لا يوجد فى القانون او احكام المحاكم اى سابقه فى ذلك ولا تصدقى المحامين لأنهم يريدون بالطبع العمل ولكن هذه هى الحقيقه
اما بالنسبه لك فيبدو ان فكرة اقامة ندوه لم تلقى اقبالا ولذلك هناك اقتراحات بديله
مثلا يمكننا ان نشير فى البرنامج الى عنوان مدونتك
او نذكر اسمك كاملا
او
اى فكره اخرى
وبالمناسبه حديثنا عن انهة لا مكان للهواه اسىء فهمه فالمقصود اننا نخضع لقواعد واصول فى العمل الأذاعى لا يستطيع الهواه تغييرها
وليس ما فهمتيه من اننا لا نقدم شيئا من عمل الهواه بدليل اننا قدمنا الكثير من عمل المدونين فى مصر وغيرها حتى اليابان
ولسنا سعداء بهذه القيود ولكننا لا نملك الا احترامها
ولمعلوماتك جهاز الأعلام المصرى رغم كل شىئ الغالبية العظمى منه من الشرفاء الذين يكافحون ضد كل فساد وهم ضحايا مرتين
من الفساد ومن السمعه التى تصيب الأبرياء من جراء عمل المفسدين
وطبعا لا يعلم الناس كل شىء
واخيرا ارجوا ان نكون قد وضحنا لك بعض النقاط وعلى استعداد ان نوضح اى شىء لا يزال غامضا
سكرتارية اعداد البرنامج
سكرتارية البرنامج الأفاضل...أنا مش شايفة إن الجدل ده عقيم...لأنه من الصحي أن يعرف كل منا ما له وما عليه.
ReplyDeleteاعتذاركم(المتواري)الآن غير مقبول بالمرة، بعد الإصرار على إذاعة البرنامج، والذي تبعه كل دفاعكم الهجومي وتجييشكم لجيوش مجهولي الاسم للإساءة لي ولكل من حاول عرض وجهة نظر مختلفة عن وجهة نظركم
هذا ردي المختصر على محاولة "تنييم" الموضوع التي تفضلتم بها بتعليقكم
رحاب ضحكتينى وأنا عندى
ReplyDeletemicrowaves :D :D
دا أصلا برنامج غريب. وهم ناس أغرب.. يعنى لما صاحب العمل.. أيا كان نوعه إنشالة يارب نعى فى جرنال... قالكم وبالفم المليان مش عايزكم تعملوا بيه حاجة.. وبرضو أصروا وأخدوه.. لوووووول تفتكرى دول ينفع معاهم نقاش أصلا
يابنيتى العزيزة.. ما أخذ بلوى الدراع لا يرد الا بلوى الدراع ..
أنا مع إيهاث فى رأيها إنك تصعدى الموقف... وممكن يتجمع كل اللى إتاخد من مدوناتهم ومعترضين.. عشان يبقى صوت الأغلبية وماتبقيش لوحدك
وغير كدة أو كدة...فى شئ تاعبنى -بينى وبينك كدة- البرنامج دة أخد أكتر من حجمه الصراحة.. دا أنا سمعته مرة ودمتم.. هو دا التكنولوجيا اللى بيجبوها أولا بأول.
ياصلاة النبى
واضح إن اللهجة ابتدت تتغير.. يا ترى ده خوف ولا صوت العقل؟؟
ReplyDeleteعموما تعليقاً على موضوع "لا يوجد فى القانون او احكام المحاكم اى سابقه فى ذلك" فيه بحث قانوني متخصص جاري في الموضوع ده دلوقتي لاستكشاف الخيارات المتاحة عشان كلنا نرتاح من الكلام اللي لا يودي ولا يجيب.
لست أدرى –
ReplyDeleteهو البرنامج لطيف وأنا كنت باحب اسمعه (معلهش أنا عجوز شوية وذوقى ذوق ناس عواجيز)، هو أنا ماسمعتهوش من سنين، بس اول ما طلع كان بيجيب معلومات عامة وخفيفة من نوعية عدد المجرات فى الكون وأطول الشعوب عمرا وحاجات كده، وكان اسم البرنامج كده علشان كان المفروض ان الإجابات بتيجى من "قواعد البيانات المتصل بها الكومبيوتر" (واو، أنا لسه فاكر!!). مش بطال أبدا، يعنى لو كنت عاوز أغير المحطة والبرنامج شغال أستنى لما يخلص وبعدين أروح موجة تانية. أما بالنسبة للناس الغريبة فأنا ماعرفش غير صوت صلاح حجازى وأيامها كانت بثينة كامل على ما أتذكر (ها ها والكومبيوتر)، وكانوا ناس لطيفة جدا مش غريبة ولا حاجة (ماعرفش حاجة عن السكرتارية!!!) هو طبعا كل ده ملوش علاقة بموضوعنا (والبرنامج لسه غلطان وكل حاجه)، بس أنا حسيت انى لازم أقول كده علشان ده برضة مجهود ناس عملوه بقالهم سنين، والعدل انى أقول اللى عجبنى زى ماقلت اللى ماعجبنيش.
عمرو –
بحث إيه وبتاع إيه، القانون المصرى بيحمى صفحات الانترنت والويب من سنين. إطمئن احنا عالم تالت بس مش للدرجة دى.
هو المشكلة دلوقتى ان حتى الاعتذار (المتوارى) جه متأخر بعد ما الموضوع كبر فى دماغ رحاب (ومن معرفتى بها، مكانش المفروض أى حد يوصلها للمرحلة دى – أصلها شرانية وانا عارفها :)).
أستاذ حسام شكرا ع التوضيح.. بس أنا قلت اللى سمعته بالظبط.. يعنى لحد دلوقتى سمعت تلات حلقات والحق يقال مطلعتش منهم بمعلومة واحدة مفيدة
ReplyDeleteيمكن لو كان لسا عن عدد المجرات كنت ح تشد أسمعه يمكن أستفيد.. لكن حاليا لا تعليق
عموما فرصة سعيدة
أستاذ حسام: أعلم أن "القانون المصري يحمى صفحات الانترنت". كنت فقط أنوه اننا نستشير الآن محامية متخصصة في مجال حقوق الملكية الفكرية على الانترنت لتعطينا قول فصل في الخيارات المتاحة للتحرك القانوني ضد الإذاعة المصرية والأستاذ صلاح.
ReplyDeleteطب ما بجد.. ما تخلوها مش ضد الإذاعة كحالة خاصة.. إنما يكون فى قانون يحمى المدونات تمام زى أى كتاب مطبوع.. فهمنى؟
ReplyDeleteوكإن أصحاب المدونات زيهم زى أصحاب الأعمال الإبداعية أيا كان نوعها سواء مطبوعة أو مسموعة أو مشاهدة أو مقرؤة
الى الآنسه رحاب
ReplyDeleteطبعا القيمه الأدبيه لا تقدر بثمن ولكن خلينا فى الواقع كم يبلغ حقك المادى من الأذاعه الشريره اللى ىاسمها ازاعة مصر
تعالى نحسبها بالمليم
لك حق الأداء العلنى سمعتى عليه ؟
ده ياستى كل مره عمل فنى يذاع يتقاضى صاحبه حق اداء علنى من الأذاعه
او التيلفزيون ويحسب بالدقيقه
وتعالى نحسب حقك على ولاد الأبالسه اللصوص دول
القصه استغرقت 4 دقايق ونصف نقول كده ماشى
والأذاعه تدفع فى الدقيقه جنيها مصريا واحدا لا غير وبالتالى يستحق لك اربعة جنيهات ونصف بالتمام والكمال واذا لم تحصلى عليهم بالذوق يمكن ان ترفعى قضيه فى المحاكم بناء على نصيحة اخوان السوء المحامين الهواه تستغرق القضيه من 3 الى 10 سنوات وتتكلف عدة آلاف وليس مؤكدا انك سوف تحصلين حتى على هذا المبلغ لأنك لم تسجلى القصه فى الشهر العقارى ولست عضوا فى جمعية المؤلفين والملحنين
ليس بالمناسبه فى هذا الكلام اى محاوله للسخريه وانما هو واقع وحقائق
مع تمنياتى لك بالتوفيق
حسن الحكيم
انا ياجماعه غيرت رايى
ReplyDeleteلا زم نرفع قضيه على ولاد الأيه دول
بصراحه بصراحه حتبقى حاجه جديده تصوروا مانشت الأهرام
فى يوم من الأيام
الرز بلبن فى ساحة المحاكم
القضاه يتركون كل جدول اعمالهم ومستقبل
الوطن ويتفرغون لتذوق الرز بلبن مؤتمر صحفى اليوم يعلن فيه النائب العام آخر ما توصل اليه الباحثون فى السر وراء جريمة السطو على رز بلبن فى وضح النهار
وهكذا على بركة الله وربنا معاكم
مجدى يوسف
أستاذ حسن –
ReplyDeleteأولا الإذاعة ليست أشرارا أو أولاد أبالسة، يمكن مهملين، لكن ليسوا أشرارا. ثانيا: من الصعب أن نحسبها بالمليم، لأن هذا قرار قاضى. فللنظر لما يمكن أن تفعله رحاب، يمكنها أن تقاضى الإذاعة:
1. لعدم الوفاء بحق الاداء (شكرا، لم أفكر فيه – ربما لأنى لست محاميا).
2. لانتهاك حقوق المؤلف بالنشر بدون إذن (وهذا تختلف قيمته – وإذا كانت محظوظة ممكن مبلغ كبير حتى تكون عبرة للآخرين)، ومع القليل من الدعاية وتطبيق اتفاقيات حقوق الملكية وما إلى ذلك من الكلام الكبير....
3. للضرر المعنوى لأن البرنامج قد غير فيما كتبته بالحذف (ورحاب مرهفة الأحساسيس ولم تتحمل مثل تلك الخيانة للنص وعدم احترامه، ومن يومها لم أرها تكتب أى شىء آخر – يعنى قضى على مستقبلها الأدبى فى مهده)
4. للضرر المادى حيث أنها ستقضى الكثير من الوقت فى متابعة تلك القضية وما يستتبعها، ومما أعرفه من دخل رحاب الحالى سوف يكون على المحكمة تغريم الإذاعة مبلغ محترم جدا!!
5. أكيد هناك أشياء أخرى يجدها محام محترم وخبير (كما قالت رحاب فى أول سطر لها – الهواة يمتنعون!)،ويا سلام يا سلام لو كان هناك برامج أخرى فعلت نفس الشىء مع آخرين.
أما عن التكاليف فلا أظن أنها مشكلة كبيرة – المحامين تأكل عيش، وأما الوقت فليس حرجا أيضا، لأن ما تطالب به ليس مأكلا أو مسكنا ستموت إذا لم تحصل عليه حالا، إنه ضمان ألا يأتى كل من هب ودب ويكرر ما حدث معتمدا على أن هناك من سيرهب صاحب الحق ويمنعه عن أخذ حقه، أو أنها سكتت مرة فستسكت كل مرة. السنة القادمة يفكر ألف مرة من يحاول أخذ وتغيير ما كتبته رحاب أو غيرها.
أستاذ مجدى –
أنا كنت ضد فكرة القضية: وجع دماغ بدون داعى. لكن بعد تعليق حضرتك، تخيلت فجأة عناوين كل الجرائد الأخرى:
• الإذاعة المصرية تدوس القانون المصرى.
• شابة تقاضى الحكومة للتعدى على ملكيتها الفكرية.
• فى قضية الرز باللبن: النائب العام يؤكد - من له حق يأخذه مهما كان صغيرا.
وطبعا لو كنا فى بلد آخر (وهو ما أتمناه فى مصر)
• رئيس اتحاد الاذاعة والتليفزيون يحقق فى انتهاك حقوق المؤلف.
• اعتذار رئيس الاتحاد عن الخطأ وإرسال نسخة من لائحة الجهاز إلى كافة العاملين.
• الأرز باللبن يفوز على الحكومة.
وناس تصطاد فى المياة العكرة، والجزيرة تلاقى جنازة تشبع فيها لطم، والمعارضة، ويبقى فرح!!!!!!!
المشكلة يا أستاذى ليست مشكلة كم سطر كتبتهم واحدة فى وقت فراغها. المشكلة هى أن نعرف إلى أى مدي يمكن أن يتجاهل أى شخص حقوق شخص أخر (استاذ صلاح رجل كبير فى مجاله وله من الخبرة ما يجعلنى متأكدا أنه يعرف تماما الخطوات التى يجب أن يتبعها إذا أراد أن يمشى "بالمسطرة" لكنه اختار أن يتجاهلها لاعتبارات الوقت والمجهود الخ)، والمشكلة أيضا أن نعرف إلى أى مدي يمكن أن نسمح للآخرين أن يستبيحوا حقوقنا، ومن يسكت فى الصغيرة يسكت فى الكبيرة. يعنى اليوم سطرين، غدا قصة قصيرة بعده، فصل من رواية، بعده تزوير نتائج جامعة لتعيين ابن عميد، بعده تزوير انتخابات!
انتهت نهاية الأسبوع، وعدنا للعمل، لن أتمكن من الكتابة مرة أخرى عن هذا الموضوع رغم أنه مسل جدا، كما أنه قيل كل ما يمكن أن يقال، أى زيادة ستكون مهاترات. أراكم إن شاء الله فى ظروف أخرى، وأسمع عن الرز باللبن فى الجرائد .
واحترامى للجميع
الأستاذ حسن والأستاذ مجدي
ReplyDeleteلو كانت الحقوق المادية هي ما نبحث عنه لكان الموضوع أسهل بكثير. المسألة الآن مسألة حق أدبي.. وصدقوني لو قررت رحاب أو غيرها تصعيد الموضوع مئات من الأبواب مفتوحة وما اعتقدش برضه إن الإذاعة تهمها المادة قد ما تهمها سمعتها
ومرة أخرى أحثكم على التحقق من كلامكم قبل قوله فمن الواضح أنكم لا تعلمون أن جمعية المؤلفين والملحنين لا علاقة لها بما يكتب وينشر وإنما تعطي المؤلفين حقوقهم عن أعمالهم المغناه التي يقوم المؤلف أو الملحن بتسجيلها في الجمعية والتي تتم إذاعتها في التلفزيون أو الإذاعة أو إعادة إنتاجها في شرائط أو سي ديهات أو أفلام،إلخ.. ولا علاقة لجمعية المؤلفين والملحنين بحقوق الملكية الفكرية التي نتحدث عنهاهنا. يعني مثلا لما واحد يروح ينشر كل أعمال صلاح جاهين على الإنترنت بدون إذن أو يعيد نشر أحد دواوينه بدون إذن ما أقدرش أروح أشتكيه لجمعية المؤلفين والملحنين لإنها مالهاش دعوة مع إن صلاح جاهين مسجل في هذه الجمعية. فياريت ما نخلطش الأوراق ببعض
وان شاالله يارب تكون رحاب بتقول ريان يا فجل برضه تسري عليها حقوق الملكية الفكرية! إحنا مش في جلسة تقييم هنا
هسسسسسسسسسس
ReplyDeleteخلاص يا جماعة غيرو الموضوع
دعوة للقاء بالمدونين
في معرض الكتاب
عكاظ الشعراء
الجمعة 20 يناير
الساعة الرابعة عصراً
hsssss eh we bas e
ReplyDeletela2 tab3an man3'yarsh el mawdoo3
e7na odam 2adeya kepeera
ya gama3a di mesh taree2et 3amal el roz be laban
eb2o e2ro kowayes abl m te2demo wasfat 3'alat
fetto
mostame3 da2em lel bernamg men el kotb el ganobi
سؤال للفصيح حسن الحكيم (واضح اسم على مسمى) من يحمي المدونين من "السرقة" الأدبية؟ يعني ممكن أي واحدة يتصادف ان اسمها رحاب بسام وتنشر هذه القصة أو تلك في كتاب أو دورية؟
ReplyDeleteالهدف من النشر في المدونات (في الأغلب) شخصي، ولو هاتتكلم عن العالم الحر المتقدم لا أظن أن إعلامي الغرب "غير المتخلف" على نفس الدرجة من "الإفلاس" الإعلامي الموجود ببلادنا لدرجة أن هؤلاء الإعلاميون مش لاقيين مادة يشتغلوا عليها سوى الأعمال الإبداعية لشوية مدونين "هواة" (على حد تعبيرك)!!
واللة انا مع راى لست ادرى ياريت رايها يتخذ بية
ReplyDeleteانا السايت بتاعك عجبنى جدا وخصوصا ان اسمك على اسمى يا ريت تزورى الباوج بتاعى مستنياكى
الى الأخ علاء المتحمس
ReplyDeleteاولا ملحوظه على الماشى
الصحيح ان تقول ان هؤلاء الأعلاميين وليس الأعلاميون
وعلى فكره فى البلاد المتقدمه التى تتحدث عنها لا يجرؤ انسان علىى الكتابه وهو يجهل اللغه التى يكتب بها
اما عن الحقوق وخلافه ياسيدى الغرب طلع اكرم منا تصور ؟!
تعرف لحسن الحظ طلعوا اكرم منا والا ماكنش بقى لأى واحد منا مدونه وابداعات عليها وحقوق ببلاش بيهدوا تعبهم وابتكارهم للناس بدون كلام كتير ولا عصبيه
ولا بطيخ
تعرف البرنامج زى اللى بنستخدمه ده علشان يكون لأى واحد مدونه بيبستغرق قد ايه اعداده ؟ مش وقت كتابة قصه من عشر اسطر لأ ده ممكن يستغرق سنه واكتر ومع ذلك هاهو امامكم بلا مقابل
وعندك الكرييتف كومنز ودعوه لأهداء الأنسانيه اعمالنا الجميله
فى مثل مصرى مش فاكره ينطبق عليه حالتنا لأ افتكرته بس عيب يتقال
حسن الحكيم
الحكايه حاجه من اتنين اما ما يكتب فى المدونات بعضه يستحق ان يطلع عليه الناس الغلابه فى ىبلدنا العاطشنين لحاجه كويسه وفىى الحاله دى يبقى من غير الوطنيه نبخل عليهم بيها واما ما تستحقش فنخبيها ومننشرهاش وعلى فكره كلمة هاوى كلمه نبيله جدا يعنى الفنان الكبير هو اللى يفضل هاوى طول عمره
ReplyDeleteالعقبه فى اهداء الأعمال التى تستحق للناس الغلابه
هو ما شعر به بطل الحدوته التاليه التركى
والحدوته ليست تخضع لحقوق النشر وياريت بتوع الأذاعه او التيلفزيون او حتى البوتوجاز يعثروا عليها وينشروها
كان فى واحد تركى باش سنجق قد الدنيا وكان غاوى مريسه وتحكم فى الناس لما راحت عليه يعمل ايه فى هوايته دى
اشترى قلتين وملاهم ميه وكل ما ييجى واحد يشرب من واحده يقول له لأ اشرب من التانيه
مجدى يوسف
إلى السيد المتعالم "الحكيم"
ReplyDeleteلا أسمح لسيادتك بممارسة دور "مصحح اللغة العربية" معي لأنه ببساظة هذا شأني وليس من شأنك..
الأمر الثاني هو أنك لم ترد على سؤالي (لأنك في نظري لا تملك إلا أن تسفسط وتخلط الأوراق).
الأمر المضحك أنك تتكلم عن بلوجر دوت كوم وكأنك "شاهد" على هذا الاختراع العجيب.
م الآخر ... لما إحنا مدونين "هواة" (على حد تعبيرك) .. أكررها مرة أخرى لا تضيع وقت فخامتكم الثمين معنا وارحل عن أرض المدونات إلى الأبد...
بقالي فترة منقطعة عن التدوين والمدونين..
ReplyDeleteهاسيب كل اللي النقاش اللي داير هنا وهاعلق على اللي سمعته..
بقالي فترة مفيش حاجة استفزتني قد اللي سمعته ده!
اللي حصل في نصك ده حرام .. ماشفتش ابتذال ولا استخفاف وسخافة وتشويه زي ده!
ولا المذيعة اللي بتغني دي كمان ولا المداخلات العبقرية!
فعلا تفوقوا على ذاتهم.. أنا مش متابعة قوي الحوار اللي داير بس أنا لو مكانك أرفع عليهم قضية!
لا أعرف إن كان ذلك متبعاً في مصر، ولكن قانون الملكية الفكرية المتبع في معظم دول العالم يحمي أي مادة منشورة، أياً كانت طريقة نشرها (كتاب، مجلة، جريدة، الانترنت أو أي طريقة أخرى)، وذلك لا يقتصر فقط على الأعمال الأدبية
ReplyDeleteياسمين حميد
و بالمناسبة أعمال رحاب أدبية، ومن يدعي كونها غير ذلك أسأله: ما نوعها إذاً؟
ReplyDeleteياسمين حميد
I don't know why all these attacks for god sake she's the right 2 write any thing that passes her mind . It's like a dairy .u want 2 read it fine go a head . u don't then don't do it . u want 2 make a comment fine write it but what was that . sure not a comment .do u really know how people arround the world live & how they have the right 2 write whatever they want & more over they defend thier rights even if what they wrote ,is nonsense. u know & we all know that what REHAP is writting has some thing special . u have to encourage her 2 go on .. ok critisize her but with away that makes her go on not like that she doesn't deserve that .
ReplyDeleteevery one that writes any thing . can't u know what that means .. communication .. not 2 become a writter .. may b some here wants only 2 b with others that can communicate .. what every body look like deep inside .. and i don't believe that 4 that simple reason that any body deserves 2 hear that irony talks . u want 2 help then offer your help in a good way .. u want 2 let us feel we r no body .. then u must b that no body . they r not saying that they are incorridible but they are doing fine & more than fine .
SASHA
رحاب .. أنا بحب كتاباتك جدا, أسلوبك جميل وبسيط وبيخش القلب, بيسموه السهل الممتنع؟ متخليش النقاش الداير يحرمنا من حدوتة جديدة. أمٌا بالنسبه لموضوع البرنامج فأنا شايفه ان المسألة قلة ذوق سواء في عدم استئذانك أو في الطريقة المستفزة اللي اتعمل بيها
ReplyDeleteياجماعه انتم عاملين مندبه بدون داعى وسائل الأعلام من حقها تتكلم بطريقتها الخاصه عن ظاهره زى المدونات زى ما اى ناقد من حقه وبدون استئذان كتابة مقال او برنامج عن اى عمل من نجيب محفوظ لرحاب بسام ويقدم فيه رايه عن العمل واجزاء كبيره منه زى ما هو عاوز وآخر من فعل ذلك الأستاذ جهاد الخازن فى الحياة اللندنيه بتاريخ 14 يناير 2006
ReplyDeleteمجدى يوسف
الى كل الثائرين والغاضبين و المحتجين والمتشنجين
ReplyDeleteالموضوع مش زى مانتو فاهمين ده ل علاقة له بحقوق فكريه ولا يحزنون
وخلونى اديلكم مثل اقرب مثل وسائل الأعلام من واجبها تقدم الظواهر المهمه فى المجتمع مش كده ماشى وظاهرة المدونات دى تستحق مش كده ماشى طيب نيجى لحاجه قريبه منها وبرضه محميه بالقانون ولا استطيع تقليدها وهى لافتات المحالات نفرض نفرض اى وسيسلة اعلام حبت تستعرض ظاهرة كتابة اللافتات بلفغات اجنبيه مثلا هذه الأيام لازم حتدى امثله وبالنص مش كده وفى الحاله دى لا يلزمها احد باستئذان اصحاب اللافتات والله اعلم ارجوا ان يكون الكلام واضح
وبلاش التمرد ده بدون سبب وفروه لحاجه تحتاج لتمردكم
هانى
يا معشر المدونين
ReplyDeleteهذا ما قالته الحياة اللندنيه بعد ان استعرضت ونقلت الكثير من الموجود فى المدونات
العيب فى العالم العربى ان كل واحد فيه كاتب او مشروع كاتب
وعن مهنة الكتابه تقول بيت الشعر
ومن البلية انه لا يشترى
ويخان فيه مع الكساد ويسرق
وهو ما يعادل المثل المصرى التكنولوجيا اى المدونات فى ايد اليتيم عجبه
مش ده اللى انا قلته قبل الحياه ومخلصتش
طيب ادوروا بقى على المجله المحترمه وورونا حتعملوا ايه
حسن الحكيم
رد على:"الى كل الثائرين والغاضبين و المحتجين والمتشنجين الموضوع مش زى مانتو فاهمين ده ل علاقة له بحقوق فكريه ولا يحزنونوخلونى اديلكم مثل اقرب مثل وسائل الأعلام من واجبها تقدم الظواهر المهمه فى المجتمع مش كده ماشى وظاهرة المدونات دى تستحق مش كده ... استوفروه لحاجه تحتاج لتمردكم"
ReplyDeleteالاحتجاج لم يكن على ذكر وسائل الاعلام لما كتبته رحاب بل على عدم احترامها لحقوق رحاب و أبسطها ذكر اسمها كاملاً و عنوان الموقع الذي نقل منه الموضوع
ياسمين حميد
http://www.whatiscopyright.org/
ReplyDeleteبالعربي: أي نص مكتوب، نشر بأي طريقة كانت، تنطبق عليه حقوق الطبع والنشر في العالم كله.
كما أن رحاب اعترضت على استخدام البرنامج لنصها قبل حتى أن يذاع، ورغم ذلك أذاعوه! أتوجد سماجة أكثر من ذلك؟
ياست ياسمين وايه رايك فى موضوع مجلة الحياه اللندنيه برضه سمجه فى نظرك
ReplyDeleteمافعلته هو حق الصحافه مقرؤه او مسموعه او مرئيه فى استعراض ظواهر المجتمع ومنها المدونات على الأقل البرنامج لم يسخر من رحاب كما فعلت الحياه عندما قالت ان كل صاحب مدونه فاكر فى نفسه انه كاتب
مجدى
Hey, the people who wrote such 'rubbish' against us in Al-Hayat are surely not saints, sunshine!!!!!
ReplyDeleteيا عم فلقتنا! مش عاجبك ما تقراش وخلاص...دي إيه الخنقة دي!
ReplyDeleteوالله أنا عند سماعي للبرنامج رأيت في طريقة الالقاء الكثير من السخرية والاستهزاء، كما أن كون مقالاً في جريدة الحياة أو غيرها فعل ذلك لا يعني أنه أصبح مباحاً. كما أن كل انسان من حقه أن "يفكر في نفسه أنه كاتب" كما قال الأخ مجدي، وهناك فرق بين النقد وبين الاستهزاء والسخرية بالنص. وأنا عندما سمعت حلقة البرنامج لم أسمع ولا كلمة نقد أو مناقشة لظاهرة المدونات، كل ما عرضه البرنامج كان قراءة للنص بطريقة تسخر منه. هذا غير أن رحاب حرة في اعتراضها على عرض البرنامج للنص الذي كتبته أياً كان، وقد كان اعتراضها قبل موعد عرض البرنامج بفترة كافية ليتم تسجيل حلقة أخرى أو عرض حلقة سابقة ان كان الوقت لا يكفي، ومع ذلك تم تجاهل اعتراضها تماماً وعرض البرنامج وكأن شيئاً لم يكن!
ReplyDeleteرحاب
ReplyDeleteان عابك السفيه فلا تجبه فخير من اجابته السكوت
ان انت كلمته فرجت عنه وان خليته كمدا يموت
انا عندى سؤال يتطلب فتوى شرعيه والسؤال هو
لو واحد فجر جوز البنى ادمين(مجازا)اللى عاملين نفسهم مذيعين فى سبيل الله ومن اجل رفعة الوطن منزله فى الجنه تبقى ايه بالزبط؟؟؟؟؟؟؟؟
اهلا
ReplyDeleteعندنا هنا مشروع ارهابيه
تقول نفس الكلام الذى قاله الذين فجروا طائرات 11 سبتمبر وقتلوا 3000 من الأبرياء
مرجبا بالأرهاب
مجدى
هذا تهديد صريح بالأغتيال
ReplyDeleteيمكن ان يلفت نظر رجال الأمن
وعلى المذيعين ان يطلبوا وضع حراسه عليهم والقاء القبض على المتهمه فورا
حسن الحكيم
لووووووووووووووول! عمركم ما سمعتم عن المجاز؟؟؟؟
ReplyDeleteدلوقتي اتقلبت الحكاية وهايبتدوا يتلكموا عن الأرهاب، ارحمني يا رب.
ReplyDeleteعلى رأي آز أعرض/ي عن "السفهاء"...
ReplyDeleteوالله انا شايف ان النقد والكلام سهل وانا عندى اقتراح عملى ايه رايكم لو عملنا برنامج موازى او ملف صمتى لما يجب ان تكونة عليه القراءه واقترح الست ياسمين او الست نعامه والستاذ علاء ويعملوا ملف حلو يضرب ملف بتوع الأذاعه ونقارن ايه رايكم
ReplyDeleteوليكم على احضرلكم اغنية فيروز
وبال مناسبه انا شايف ورزقى على الله ان البرنامج عمل مالا يمكن ان نلمسه من قراءة النص وهو تقديم اغنية فيروز مع الكلام على ىاى حال ده مجرد راى والمهم الآن ان نسمع انتاجكم الصوتى وهو درس لمن يريد ان يقرا مثل هذه الأعمال بس بلاش والنبى الست الأنتحاريه بتاعت التفجيرات
مجدى يوسف
الم يحن الوقت لابداعات جديدة؟؟؟؟؟؟؟
ReplyDeleteصحيح، لأنك لو انتظرت بابداعك الجديد حتى يفهم هؤلاء ويعتذروا، فان ذلك بمثابة اعتزال للكتابة
ReplyDelete!!!!!!!!!!!!!!!!؛-)
رحاب،
ReplyDeleteأنا شايف أدامك طريقين،
طريق تستجيبي فيه لأولاد الأفاعي وتتوقفي عن الإبداع ونخسر مبدعة تانية...
أو تقاومي أولاد الأفاعي وتستمري في الإبداع وإمتاع القراء -مع فضح سرقات السارقين الجاهلين، والعيار اللي ما يصيبش - يدوش !!! وصدقيني أسوأ شيء لأي صحفي فضيحة سرقة مقالات، بتفضل ملازماه في كل حتة، وكل أعماله بتتنسى والناس تفتكر له السرقات دي...
الكابتن مُدعي العلم اللي في الأول، لو يا أبو الأفكار استمر البرنامج يسرق في إبداعات الناس اللي بتخبط على الكي بورد، فبطلت الناس تكتب، لإنهم شوية صيع فاكرين نفسهم محترفين، البرنامج حيكتب عن مين وحينسخ من فين؟
وبعدين لما أنت شايف إن البلوجات شغل شوية عيال هبلة، بتنقل منها أو بتكتب فيها ليه؟ مش عيب عليك يا هندسة...
كلمة أخيرة لرحاب، لو انت زعلانة من مقالة اتذاعت في الراديو، طب أنا أعمل إيه، أنا كنت بأكتب في موقعي وجرايد الخليج تنقل مني بدون حمُرة الخجل بتاعة رفعت المحجوب، بس كملت المسيرة...
أنا نفسي مسدودة :(
ReplyDeleteYa Re7ab come back b2a :(
ReplyDeleteya ra7oba plz go on we mat7'alesh nefsek tedsad ana seme3t elbernameg too late bas begad da sabab akwa en 2a2olek go on ... begad 7aram 3alehom bawazo my imagination 3an elkesa khales... besara7a 7aseto bernameg laki wa le2osratek , taba2 elyoum 7aga keda
ReplyDelete7ata elbarameg deh momken yekoun feha rou7 shewaya ......
wala yehemek begad ( empty minds )
Doaa