مع بداية السنة الجديدة قررت اغير من رخصة "Creative Commons" لرخصة "جميع الحقوق محفوظة" وده بعد ما جالي تعليق "ظريف" بيقول:
معلهش لم يكن لدى وقت للأستئذان انا اعجبت بقصتك ارز باللبن وساقدمها فى برنامجى يوم الخميس 5 يناير 2006 وكل تفاصيل عن البرنامج وميعاد الأذاعه فى الموقع التالى
وأحب أنوه عن التالي:
1. أنا عارفه إن الرخصة دي مالهاش معنى في بلدنا خصوصاً بالنسبة لجهاز "محترم أوي" زي الإذاعة والتليفزيون، لكن ده إجراء علشان ابقى عملت اللي عليا.
2. الإيمايل بتاعي موجود في البروفايل بمنتهى الوضوح، وده محطوط علشان اللي عاوز يوصل لي، ده لو كان عاوز.
3. كتابة إيمايل بتاخد دقيقتين، أو خمس دقايق لو بتكتب ببطء، أو عشر دقايق لو بتستهجى الحروف الأول.
4. بين يوم الأحد ويوم الخميس أربع أيام.
5. أنا شلت قصة "الأرز بلبن" من المدونة. هه! غتاتة بغتاتة بقى.
التصرفات اللي زي دي بتخليني أفكر كتير أوي في جدوى المدونة وإن من الأفضل إني اكتب مع نفسي وانشر في يوم من الأيام وخلاص لما يجيلي مزاج بدل حرقة الدم.
تحديث:
البرنامج طلع عنده مدونة!
هي حاجة مستفزة فعلا...بس متزعليش و لا تحرقي دمك..و بعدين احنا مش قد الحرمان من الحواديت يعني...
ReplyDeleteحدوتة ازاى أعمل رخصة للبلوج؟
ReplyDeleteأنا جالى الأستاذ صلاح قبل كدة وقال انه ح ياخد من كلامى للبرنامج بس معرفتش أعمل ايه الصراحة...
أهنيكى ع الموقف دا يا أجمل حدوتة
يا رحاب رخصة
ReplyDeletecreative commons
كانت انه رخصة بالظبط؟ لو كانت اللي بتدي حق عمل أعمال مقتبسة يبقى مكانش مطلوب اذن كان مطلوب التنوي للعمل الأصلي و للرخصة فقط.
لو كانت فقط بتسمح باعادة التوزيع يبقى مكانش من حقه يستخدمها في برنامج راديو (النقلة من الكتابة للصوت تعتبر اقتباس)، لو كان كل اللي عمله أنه قرأ التدوينة أو مقتتفات منها مش بنى عليها عمل فأظن القانون المصري بيعامل الراديو معاملة خاصة و بيتيح له بعض الحقوق الزيادة (لازم أراجع نص القانون اللائحة التنفيذية مش فاكر بصراحة).
اللي عايز أقوله أن لو الرخصة أصلا ما كانتش بتسمح بالتعديل و الاقتباس يبقى مش هيفرق اللي أنت عاملاه دلوقتي، يا أما الراجل مكانش من حقه أصلا يا أما لسه من حقه حتى بعد التعديل.
اللي أنت عملتيه دلوقتي أنك خنقتي على الناس اللي بتقرألك و بتحبك في محاولة هبلة (الصراحة حلوة) للرد على حد أصلا ميهمكيش في حاجة. استفدتي أنت ايه بقى بحذف التدوينة؟
أنا كده زعلت منك جدا جدا و لو منشرتيش التدوينة تاني هيكون لي تصرف تنيني خطير و هطلب اجتماع كل التنانين و سحب جناحاتك الملونة. بقرار جمعية عمومية غير عادية.
و بعدين أنا كنت ناوي أطبخ رز بلبن أعمل ايه دلوقتي؟
فيه ايه بس يا رحوبة
ReplyDeleteهدي أعصابك يا جميل
ده راديو بلدنا يا جماعة
وانتم طبعاً عارفين
إن راديو بلدنا بيذيع أخبار
وسؤالي اللي ممكن ارفعه لحد أعرفه في الاذاعة
إنتي عايزة ايه بالظبط يا فندم
بجد مش فاهمة...الأستاذ المحترم صاحب البرنامج اللامع ساب لي تعليق تاني في التدوينة اللي قبل دي يقول نفس الكلام!!! إزاي اوضح له أكتر من كده إني مش موافقة على استخدام قصتي في برنامجه؟!
ReplyDeleteيا خبر... أنا فاكر إنّ جالي تعليق زي ده يطلب الاستئذان لنشر بضعة تدوينات في الإذاعة، ولم يكن هناك عنوان بريدي لأرد عليه بل الرابط نفسه.
ReplyDeleteوقتها راسلت محمد وألف وقالوا لا يعرفون شيئاً، ونسيت أتتبع الموضوع.
هو ده برنامج إيه بالضبط؟
يا تنين...لا والنبي كله إلا الجناحات!! أنا نفسي بس الناس تقدر إن أنا حقيقي بجد فعلاً مجنونة :))
ReplyDeleteرامي...أنت كمان؟!!الإيمايل بتاع البرنامج مش شغال...حاجة مبشرة جداً بالنسبة لبرنامج بيقول إنه بيتكلم عن الإنترنت من قبل ما تتوجد في مصر أصلاً!
يا سلام على التناكة ..يا بنتى حد طايل كل سنة وانت طيبة يا جميل
ReplyDeleteباختصار كده ممكن الأقتباس من نجيب محفوظ او اى كاتب دون أذن ما دمنا سنشير اليه
ReplyDeleteوكذلك اى كتاب اوبحث
يعنى لا نحتاج لأذن كل مره نقرا فيها مقال منشور فى الأذاعه
لا أذن لنشر ما هو منشور
والا هل اخذت ياست حدوته اذن لنشر رابط البىبىسى فى البلوج تبعك
انت كمن يخرج للشارع ويغضب اذا رآه الناس
الا اذا كان او كانت منقبه
Dear Rehab,
ReplyDeleteThis is my first time to comment on your blog. I find your blog and your way of writing quite inspiring and shows a great promise.
Regarding copyright laws, I see that in Egypt we have a long way to go. Some people do not understand the meaning of copyright and how it applies. You are fully entitled to copyright your own writings and only upon written permission by the author could there be a reference.
In Europe, where I am living, this is a serious issue and people can be legally prosecuted if proven they have infringed on a copyright.
I would like to encourage you to continue writing, for you have a good audience who likes and cares to read your thoughts,
Egyptian in Germany
موضوع الملكية الفكرية وحقوق النشر والكلام ده أثير قبل كده لما جريدة الدستور كانت عاملة صفحة لنشر مقتطفات من المدونات
ReplyDeleteأورد هنا
نص القانون المصري رقم 82/2002 بخصوص الملكيةالفكرية
كمرجع للي عنده أي استفسار أو مفاهيم خاطئة بخصوص موضوع الحقوق ده
حقوق المؤلف والحقوق المجاورة
تعريف
تتمتع بالحماية القانونية حقوق المؤلفين على مصنفاتهم الأدبية والفنية وبوجه خاص المصنفات الآتية:
الكتب والمقالات وغيرها من المصنفات المكتوبة
برامج الحاسب الآلي
المحاضرات والخطب وأية مصنفات شفوية أخرى
المصنفات الموسيقية المقترنة بالألفاظ أو غير المقترنة بها
المصنفات السمعية البصرية
المصنفات الفوتوغرافية
الصور التوضيحية والخرائط الجغرافية والرسومات التخطيطية
لا تشمل الحماية مجرد الأفكار والإجراءات وأساليب العمل وطرق التشغيل والمفاهيم ولو كان معبرا عنها أو موصوفة أو موضحه أو مدرجة في مصنف.
مدة الحماية
يتمتع المؤلف وخلفه العام من بعده بحق استئثاري في الترخيص أو المنع لأي استغلال لمصنفه بأي وجه من الوجوه وبخاصة عن طريق النسخ أو البث الإذاعي أو الأداء العلني أو التوصيل العلني أو الترجمة أو التحوير أو التأجير أو الإعارة أو الإتاحة للجمهور بما في ذلك إتاحته عبر أجهزة الحاسب الآلي أو من خلال شبكات الانترنت أو شبكات المعلومات أو شبكات الاتصالات.
كما يتمتع المؤلف وخلفه من بعده الحق في تتبع أعمال التصرف في النسخة الأصلية المصنفه والذي يخوله الحصول على نسبة مئوية معينة لا تجاوز عشرة في المائة من الزيادة التي تحققت من كل عملية تصرف في هذه النسخة.
يا رحاب
ReplyDeleteاتصور ان الغرض من التدويين هو المشاركه الانسانيه في المقام الاول و لو كان المدونيين بيدوروا على شهره او حقوق نشر كانوا كتبوا في مكان تاني و بطريقه تانيه. صحيح الابداع هديه من عند ربنا لكن المفروض المبدع مايبخلش بيه على الناس العطشانه لشربه ميه في الزمن الرديء اللي احنا عيشينه ده.... ولا ايه !!
أنتظرت ردك على ايميل بعثته لك عن مدونتك (اشياء بسيطه) لكن للاسف ماردتيش!!! تحياتي
Hello Rours...
ReplyDeleteWell I know how you feel. or how it could feel.
أكثر الأشياء استفزازاً بالنسبة لي هو قرار يتّخذ بالنيابة عني او رغماً عنى وهو اصلاً يتعلّق بنتاج ادبي شخصي
Anyways, although what happened was not right in principle, but we all love your writing, and we all agree that more people should get to know your work....
Ya sitti, this is just to tell you to please keep writing...I personally will be mad at you if you remove it! This blog of yours has always been a fresh breeze to me when I needed to look from a sunny window....please don't shut it down :)
Luv,
Maysoun
دا برنامج إذاعي فاشل آخر بيقدمه مذيع مش فاهم حاجة عن إنترنت و مجرد بيقول شوية كلام سطحي عن مواقع و في الآخر بيقول عنوان موقع منهم و بيغلط فيه.
ReplyDeleteممكن تسمعيه الصبح و انت رايحة الشغل.
أتخيل التقديم الذي سيقدم به المذيع قصتك:
(بصوت عبدحليمي نواعمي): عالم الإنترنت عالم فيه كل جديد و طريف..و في أحد موافع الشباب المضري على الإنترنت وجدنا وصفة لعمل الرز بلبن..طبعا كلنا عارفين الرز بلبن بتاع جداتنا..لكن المرة دي الوصفة مختلفة جدا جدا..تعالو معايا نسمع الوصفة:
(الوصفة السحرية)
.....
.....
.....
شفتوا ازاي الوصفة دي جديدة و طريفة في نفس الوقت..
و يا عالم هيقول عنوان المدونة و لا *هيحمي* مصادره زي بقية المذيعين، و إذا قاله يطلع منه عامل ازاي.
إييه، فين أيام مذيعي التكنولوجيا العتاول زي الباشمهندس مظهر بتاع التلفزيون و كمان برنامج "داتا داتا كمبيوطر"
بعد أن قرأت التعليقات أحب أن أقول أني أؤكد على كلام علاء، أما ما يقوله المجهول فهو غير صحيح، أولا لأن المفروض أنه عند الاقتباس حتى من أعمال نجيب محفوظ أن يذكر المصدر، لكن الفارق أن أعمال نجيب محفوظ كلاسيكية و معروفة لدرجة لا تسمح لأحد بالسطو عليها، على غير أعمال رحاب (هذا ليس حكما على الجودة). أما الروابط فهي ليست "محتوى" و الربط إلى موقع على إنترنت لا يدخل تحت بند حقوق الملكية حتى في أغشم صورها و أيضا لأن الروابط هي روح وب و الموقع المربوط اه هو المستفيد من الربط و الدعاية المجانية. يعني الموضوعين مختلفين تماما.
ReplyDeleteفعلا نا تعجبت الملحوظة التي أرسلها إلى رامي المذيع هل هي سؤال للاستئذان بالنشر أم مجرد إخطار حكومي، لأن صيغتها كانت غريبة جدا!
فى فكره ان نقيم ندوه فى الأذاعه او التيلفزيون عن الموضوع
ReplyDeleteبحيث يمثل فيها جانبى الموضوع فمن يرغب
يتفضل يكتب رغبته فى مدونة البرنامج وشكرا
سكرتارية برنامج انت تسال والكمبيوتر يجيب
http://numberoneclub.blogspot.com
معلش خلي كلمتك تنزل المرة دي لكن لو خدوا حاجة تانية ماتخليهاش تنزل ابدا
ReplyDeleteالناس محتاجة ابداعاتك
Hello ya Rahab,
ReplyDeleteI think you have the complete right to be annoyed about it, but this shouldn't be a reason why yoy should refrain from publishing your pieces. It could happen even if they were not published on the net.
Enjoy ur day.
Salam
ده بالضبط أوضح تعريف "للسرقة الأدبية" يعني سيادته حرامي ودمه خفيف ... اللي يعيش ياما يشوف!
ReplyDeleteمن سكرتارية اعداد البرنامج
ReplyDeleteهناك اقتراح بعمل مناقشه لتذاع لموضوع تعامل وسائل الأعلام مع المدونات لسماع كافة وجهات النظر
من يود المساهمه براى يمكن زيارة مدونة البرنامج المخصصه للأقتراحات
hiip://numberoneclub.blogspot.com
برجاء ترك كيفية الأتصال بمن يريد المساهمه
يعنى ماذا سيناقش الناس فى تلك المناقشة؟ إذا ما كان قانونيا أن يأخذ الناس أعمال الغير ويقومون بإعادة نشرها؟ ستكون تماما مثل أى برنامج يتكلم عن إذا ما كانت أحكام الدستور دستورية. أم سيناقش الجوانب الأخلاقية وإذا ما كان يجب تغيير القانون ليسمح للإذاعة باستخدام مواد بدون استئذان أصحابها؟ فى هذه الحالة فإن ذلك النقاش لن يغير شيئا، لأن البرنامج قد خالف القانون بالفعل
ReplyDeleteHi Rehab,
ReplyDeletei am very sad because i didnt read the story of El roz be laben.
Hadeer Aziz