Sunday, December 02, 2007

تصحيح مسار



أليس حبِّت توضح الموضوع: "بس أنا مش عاوزه أبقى وسط ناس مجانين".

القطة المشمشي ردت: "ما في اليد حيلة خلاص. إحنا كلنا هنا مجانين. أنا مجنونة. إنتي مجنونة".

أليس استغربت جدًا وقالت: "بس إزاي عرفتي إني مجنونة؟".

القطة المشمشي اتنهدت وقالت بحكمة ولا مبالاة كعادتها: "إنتي أكيد مجنونة.. وإلا ما كنتيش جيتي هنا".


ترجمة بتصرف لقطعة من الفصل السادس من أليس في بلاد العجائب

19 comments:

  1. مرحباً بكل حدوتة جديدة يارحاب
    نعم، كلنا مجانين إذ نعيش في هذه الدنيا المجنونة
    لكن للأسف لا يوجد كوكب آخر في الكون يمكننا الحياة عليه سوى كوكب المجانين هذا
    ميااااو

    ReplyDelete
  2. أي نعم!

    وهنا تجب الإشارة إلى المقولة الشهيرة:

    ماحدش يبص لي...أنا ست العاقلين

    :)

    ReplyDelete
  3. مين أللي قال إن أنا مجنونة؟ دا أنا ست العاقلين!!! هما أللي بيتهيألهم.

    ReplyDelete
  4. هبة ومي...دخلت مزاجكم أوي دي مش كده؟ :P

    أنا؟؟ ده أنا ست العاقلين!! :))

    ReplyDelete
  5. مفيش مجنون عارف انه مجنون..وهي دي المصيبة

    يا بخت أليس بالقطة المشمشية اللي قالتلها الحقيقة

    :)

    ReplyDelete
  6. وفي قول آخر أو من زاوية أخرى: لا تعايرني ولا أعايرك

    دخلت مزاجي انا كمان قوي قوي

    :)

    ReplyDelete
  7. نفسي قطة مشمشية بنت حلال كدا تقولي في وشي الكلمتين دول

    مش مسألة أن الواحد مش عارف
    مسألة ان الواحد محتاج يسمع من حد تاني اللي هو بيفكر فيه عشان ميبقاش مجنون ..

    ايوة .. هو محتاج يسمع انه مجنون عشان ميحسش انه مجنون

    انا اللي حاسس اني عبيط بعد كل الهبل اللي قلته دا :)

    ReplyDelete
  8. جميله حداويتك

    ReplyDelete
  9. وبعدين يا ست رحاب تتكتشفى إن أدب الأطفال مكانش مكتوب للأطفال خالص فى فترة سابقة زى أعمال ديزنى القديمة
    :))
    الغريب إن أليس ما أنكرتش جنونها لكن سألت القطة عرفت إزاى بإنها مجنونه
    :))

    ReplyDelete
  10. بحب تصرفاتك في النصوص

    بديعة
    : ))

    ReplyDelete
  11. بس ليه افترضنا ان كلام القطة المشمشية صحيح؟
    يعني هي ممكن ماتكونش مجنونة هي شايفة نفسها كده
    و بتشوف اي حد عاقل مجنون
    يعني ممكن تكون اليس اعقل منها كمان بس هيء لها انها مجنونة
    مين اللي يقدر يحكم و يجزم ان فلان عاقل او مجنون
    اشكالية؟
    لا خالص
    مفيش حد عاقل اصلا
    الموضوع نسبي
    موضوع ايه؟
    الجنون
    ايو طبعا
    نسبة الجنون في العقل بتطلع و تنزل حسب متغيرات كتير
    يعني النهارده انا مجنون بنسبة 30% بكرة ممكن اكون بنسبة اعلي او اقل في النهاية يعني هاتفرق ايه؟

    ReplyDelete
  12. كلنا مجانين

    بشكل او باخر


    كل سنة وانتى طيبة

    ReplyDelete
  13. :) 2ad eh el qessa di kan feeha 7agat tesabbet
    bottom line was "goals"..

    nice post :)

    ReplyDelete
  14. nisho...el ketab da kolo 3ala ba3do yenfa3 a manual for life aslan :)

    السهر وردي: أخطر نوع من المجانين هو اللي بينكر إنه مجنون :)

    زنجي: خطوة عزيزة :)

    مع تمنياتي بمزيد من الجنون للكل :)

    ReplyDelete
  15. e7na eli bendawar 3al maganen breglena
    3shan mn3'erhom el 7yah 7ateb2a momella
    kolena beygelna la7azat genan... which is good :)

    ReplyDelete
  16. نفسى اسألك من زمان
    يعنى إيه ترجمة بتصرف؟
    تصرف؟
    مش فاهمة معناها

    ReplyDelete
  17. ترجمة بتصرف يعني مش ترجمة حرفية :)

    ReplyDelete
  18. حداويتك جميله

    http://nadoosh.net

    ReplyDelete
  19. الجنان احلى حاجه , الواحد اخد منها ايه بس

    ReplyDelete