Tuesday, October 18, 2005

أرز باللبن لشخصين


لعمل طبق من الأرز باللبن لشخصين ستحتاجين إلى ربع كوب من الأرز. أولاً، اخرجي اللبن من الثلاجة. ثم في طبق أبيض واسع ضعي الأرز ونقيه من أي شوائب. ضعي كل شيء جانباً: مراراتك، حزنك، غضبك، إحباطك، وأي فكرة سيئة. تتطلب هذه الوصفة بالاً طويلاً والكثير من الابتسامات المفاجئة. قومي بكل الخطوات بتروٍ. ليست هناك طريقة سريعة لصنع الأرز باللبن، ولا تصدقي أي وصفة تحاول أن تجعلك تهرولي في صنعه. من الأفضل أن تكوني وحدك في المطبخ...بل في المنزل كله، وأن تغلقي جميع الهواتف وترتدي شيئاً مريحاً. اغسلي الأرز أكثر من مرة حتى يصبح ماؤه نقياً. انقعيه في كوبين من الماء الدافئ (وليس المغلي) لثلاثين دقيقة.

في هذه الأثناء صبي مقدار خمسة أكواب من اللبن في إبريق زجاجي شفاف. اجلسي باسترخاء محتضنة الإبريق بين كفيك. سيعمل هذا الحضن اليدوي على تدفئة اللبن. بحنان بالغ ربتي على الإبريق. فكري أفكار سعيدة. دندني بأغنية حالمة..
.

أنا لحبيبي وحبيبي إلي...يا عصفورة بيضا لا بقى تزعلي...لا يعتب حدا...ولا يزعل حدا...أنا لحبيبي وحبيبي إلي...

تذكري إن كل ما ستقومين به سيصبح جزء من الأرز باللبن يشعر به كل من سيأكله، حتى الأغنية...خصوصاً الأغنية.

في إناء طهي متوسط العمق اسكبي اللبن، وبعد تصفية الأرز من الماء اضيفيه على اللبن الدافئ. قلبي ببطء في اتجاه واحد لمدة ربع ساعة.

حبيبي نده لي...قال لي الشتي راح...رجعت اليمامة وزَهّر التفاح...

في هذه اللحظة تذكري كلمة جميلة، قبلة طويلة، ابتسامة دافئة عبر غرفة مزدحمة، أو حضن مُشبِع. دندني...نعم...ابتسمي أيضاً...نعم نعم...هذه هي لمعة العيون التي تلائم الأرز باللبن.

وأنا على بابي الندي والصباح...وبعيونك ربيعي نور وحِلي...

باحساس مرهف اضيفي رشة من القرفة وأخرى من الفانيليا، كل رشة بيد. افركي يديك سوياً ومرريهما باستغراق على رقبتك. الرقبة مكان مهم للحصول على أرز باللبن ناجح. استمري في التقليب لمدة ربع ساعة على نار هادئة جداً حتى يطرى الأرز. اقتربي من الإناء واهمسي بسرٍ ما. اختاري السر جيداً. اضيفي كوب من السكر واستمري في التقليب ليذوب تماماً...تماماً...دائماً يأتي السكر في النهاية وبعد طول انتظار، وكلما هدأت النار من تحته كلما ازدادت حلاوته.

وندهني حبيبي جيت بلا سؤال...من نومي سرقني...من راحة البال...

يقدم دافئاً في طبق زجاجي وردي اللون. للتزيين رشي قليلاً من القرفة عليه، وبشفاه شبه منفرجة اطبعي بصمتك الخاصة على وجهه. يُلتهم بالأصابع ببطء مع شخص تحبينه.

وأنا على دربه ودربه عالجمال...يا شمس المحبة حكايتنا أغزلي.


الأغنية المصاحبة: "أنا لحبيبي" لفيروز

69 comments:

  1. واضح انك فى الرحلة البحث عن مود حلو
    وواضح ان الخنقةاللى كانت عندك من الشوارع والزحمة والمحلات جابت نتيجة واضحة وهى الرز ولبن

    على العموم مفيش احسن ان كل واحد يرمى كل الحاجات وراه ولو لفترة صغيرة
    (اللى بيستغرقها الرز بلبن)

    شوط جميل وفى المضمون زى ما بيقولوا

    ReplyDelete
  2. جميلة جدا جدا يا حدوتة كالعادة :)))

    ReplyDelete
  3. صراحة البوست يجنن :)
    بعد البوست بتاعك حتبقى اغنية فيروز حاجة ضرورية للي عاوز يعمل رز بلبن زي ما الشهقة ضرورية للي عاوز يعمل ملوخية:)

    ReplyDelete
  4. Berry, I read ur post around 8 am, and played the song like 5 consecutive times, right now am about to leave bas didn't want to go without saying that u REALLY made my day...kisses

    ReplyDelete
  5. بعد ما قريت الكلام ده حسيت غني ما اكلتش رز بلبن قبل كدة .. و إني اتضحك عليا كتييييييير قوي

    انا نفسي آكل رز بلبن

    ReplyDelete
  6. باحساس مرهف اضيفي رشة من القرفة وأخرى من الفانيليا، كل رشة بيد. افركي يديك سوياً ومرريهما باستغراق على رقبتك. الرقبة مكان مهم للحصول على أرز باللبن ناجح
    احييكي علي هذه الوصفة الغير عادية لصناعة شيء عادي
    انا بجد كنت دايق طعم حلو اوي علي لساني وانا باقرا
    ودخول اغنية فيروز بجد كنت سامعها
    بجد احلي طبق رز بلبن شفته

    ReplyDelete
  7. و لو ما نجحش كل ده
    إلبسي هدومك
    و خدي الواكمان
    و إنزلى فركة كعب لإسكندرية
    جيلاتي عزة
    و أطلبي رز باللبن بالجيلاتي و أنت حاطة الووكمان ف ودنك و بتدندني أغنية حزينة
    عشان لو إنت في القاهرة المشوار حيتكلف 30 جنيه رايح جي و لو حتاكلي لواحدك يبقى 33
    و بالهنا و الشفا


    ضحكة سادية

    موسيقى مرعبة

    و صورة لوجه طفل خبيث ينظر من داخل صفحة الوب

    ReplyDelete
  8. ايه الدفا والجمال ده يا حدوته
    ده مش رز بالبن .. ده رز بدفا وحب وجمال مفيش زيه

    ReplyDelete
  9. ايه الرز باللبن الجميل ده :)
    هايل يا حدوته ... هاحاول انفذ الوصفة قريب

    علي فكرة .. أنا لحبيبي من أروع ما غنت فيروز .. كأنها كانت تتحدث عني

    اكتبي دايماً يا حدوتة ... كلامك حلو

    ReplyDelete
  10. أيوه!
    ما اسم المرأة التي تكتب بالإسبانية و حُول كتابها فيلما؟
    صديقة عزيزة علينا عرفتني بها.
    تعرفينها.

    ReplyDelete
  11. يا جماعة...أشكركم خالص...والوصفة عندكو اهيه...محدش بقى عنده حجة تخليه ما ياكلش رز بلبن طول اليوم :)

    فوزي...هو أنا ما اعرفش صاحبكم اللي كتب عني في الكرامة...بس أنا قريت المقالة..يُشكر على أي حال

    ألف...الكاتبة هي لورا اسكيفال (مثل الماء للشوكولاته) وده من أحب الكتب إلى قلبي :)) وفي برضه في تقاليد الطبخ السحري "أفروديت" لإيزابيل الليندي وحتى "شوكولا" لجوان هاريس

    جيفارا...لسه في العمر بقية :)

    نيرو وديدو....وحشتوني بقى!!! مين قال فطار الصبح بدري تاني يوم العيد؟ :)

    ReplyDelete
  12. رحاب : مبدعة كالعادة

    تذكري إن كل ما ستقومين به سيصبح جزء من الأرز باللبن يشعر به كل من سيأكله، حتى الأغنية...خصوصاً الأغنية

    افركي يديك سوياً ومرريهما باستغراق على رقبتك

    . اقتربي من الإناء واهمسي بسرٍ ما. اختاري السر جيداً


    أظنك أنت من إستطاع أن يهمس بالسر فبنعومة بالغة وجدت نفسى داخل حدوتك الصغيرة و صوت فيروز يصنع جواً حالماً جعلنى جزء من المشهد...هايلة أهنئك

    ملحوظة : جربى تكتبى سيناريوهات

    ReplyDelete
  13. انت فعلا حدوته كبيره اوى
    وانا بقلرا ليكي كتييييييير اوى

    ReplyDelete
  14. انا عايز من ده

    اعمل اييه ؟

    ReplyDelete
  15. ده طبق ما يتاكلش
    الواحد متعودش على الأطباق دى
    معندكيش طبق يأس و قهر

    ReplyDelete
  16. لازم الواحد في الحالات دي يقول "طعمة"، "لذيذة"، وما إلى ذلك من تعليقات لها دعوة بالرز باللبن

    ReplyDelete
  17. أجمل شيء في الوجود هو قدرة الأنسان على الشعور بأبسط الأشياء حوله حتى تلك التي يقوم بها بصفة دورية و روتينية و الأجمل عندما تختلط الأحاسيس و المشاعر بتلك الأشياء الصغيرة حتى تصير لها طعم مختلف

    ReplyDelete
  18. افظع حاجه فيكي يا رحاب إنك بتعرفي تدي قيم عاليه جدا للحظات قد تبدو لمعظم الناس اقل من عاديه ودي ملكه ربنا يباركلك فيها و تسعدينا بكتاباتك اكتر و اكتر

    ReplyDelete
  19. اوكي حعمله ..برده لاتنين ..لكن ربك يستر

    حمشي على الوصف ..لو خربت يبقى

    (لا انا لحبيبي ..ولا حبيبي ليا )

    ودمتم صائمين

    ReplyDelete
  20. لو لسا مش مصدقة كفاية القطعة دي علشان تصدقي بقى. مستنية أكتر بنفس التلقائية

    ReplyDelete
  21. الله جميلة أويييي

    تعرفي بقى إني مؤمنة جداً بانتقال إحساس اللي بيطبخ للأكل، علشان كده بجد وده سر بيني وبينك، بقعد أهمس بحاجات ف الأكل وأراعي إني أقعد أغني أو إني أنقل له شعور حلو

    وصدقيني هجرب وصفة الرز بلبن دي بحزافيرها ;)

    بس حكاية الأكل بالأصابع مع شخص تحبينه دي اللي هتكون صعب توافرها :D

    شكراً يا حدوتة على الجمال ده

    ReplyDelete
  22. حلوة الوصفة ديه، مع إني برضو مش باحب الرز باللبن :-) بس ممكن أجربها واتخيل انه مهلبية واكلها.
    مافيش واصفة تاني جميلة كده؟

    ReplyDelete
  23. انا اول مرة أبوست كلمتين هنا, بالرغم من إنى تقريبا قريت الإنتريز كلها كذة مرة..

    أنتى بجد بجد من احسن الناس اللى قريتلهم بلوجات لحد النهاردة....

    إتحفينا كتير بقى !!:D

    )معلش اصلى مش بحب الرز بلبن, بس بعشق أغنية فيروز ديه )

    ReplyDelete
  24. احط كبايه سكر علي طبق رز بلبن لشخصين ؟؟؟؟؟؟؟؟؟؟؟؟؟

    هو رز بلبن ولا مربة رز باللبن ؟؟؟؟

    بس علي كل حال .. موضوع القرفه ده جديد و ان شاء الله هجرب .. و تسلم صاحبة الوصفه .

    ReplyDelete
  25. when i red ur post i played the song more than 10 times. i love fairouz so much & " ana l7abiby " from my favorite songs but now after ur words its from the best :)))
    xoxo

    ReplyDelete
  26. بقالك فتره ما كتبتيش حاجه جديده
    انا تقريبا بافتح البلوج بتاعك يوميا مستنى تكتبى
    اتمنى ان ما يكونش شم الورد واخدك بعيد عن الحواديت اليومين دول

    ReplyDelete
  27. there still some of people still touch the heart oh you one of them big kiss , warm hug to you and rosy wis to be happier

    ReplyDelete
  28. happy eid rehab ,try to be always like that

    ReplyDelete
  29. dah kalam fare3' we tahreeg
    2na mayhemneesh la dah walla dah
    bas el roz belaban mesh beyet3emel keda
    eb2i e3rafi taree2et el roz belaban el awel ya we ba3deen enshoreeha

    mostame3 da2em lel pernameg men zambia el balad

    ReplyDelete
  30. Rehab
    I really enjoyed this post. I also love to listen to Fairuz and "Like Water for Chocolate" is one of my favorite books.
    To the Anonymous above.. I think you completely missed the point.

    ReplyDelete
  31. eih el 3azama dih. i am really glad that i came accross your blog. bravo begad.
    s.a.

    ReplyDelete
  32. ra3'm ene bakrah el matba7''
    bs bgad mesh 7ansaha kol ma shoof roz blaban aw aklo
    b7'laf enek 7'aletene nefese agarab el wasfa

    ReplyDelete
  33. أحلى وصفه قريتها بحياتي
    و اسلوبك الرائع بيجبر كل اللي يقرأ الوصفه أن يبدي إعجابه بها
    ياريت أتعرف عليكي أكثر
    ضيفيني عالمسنجر إذا أمكن
    aiiar على الهت ميل
    للعلم أنا شاب أهوى الطبخ و ياريت ما تبخلي علي بمعرفتك
    سلملم

    ReplyDelete
  34. :D Rehab I am invited to an Egyptian Lunch today, I was checking رز بلبن on google for a recipe and the first result was your blog :) so cute, I had read it before, but it's good to come back here.

    Inji
    qobolati

    ReplyDelete
  35. الله الله الله

    ونغمض عنينا
    ونمسكة فى ايدينا


    اجمل رز بلبن احسة فى حيااتى
    تسلم ايديكى الحلووووووووووة

    يا عسل

    احلى وردة ليكى

    ReplyDelete
  36. الف الف مبروك يا رحاب
    انا محمود الشناوي من المنصوره وبجد انا اول مرة اعرف المنتدي وفرحان جدا بيكي وفي نفس الوقت فخور جدا جدا بيكوا انتي ورحاب وغادة نورتوا العاشرة مساء وشرفتوا مصر كلها 0ارجوا قبول تعليقي مع امنياتي لكم بدوام التالق والنجاح يا فخر مصر0

    ReplyDelete
  37. امل
    شفت اللقاء معاك بدريم..اعجبتيني مره وزرت البلوق واعجبتيني اكثر
    صباحك روقان فيروزي..وأنا على بابي الندي والصباح...وبعيونك ربيعي نور وحِلي...

    ReplyDelete
  38. فكره مبتكره اسلوب رائع و حظ موفق انشاء الله

    ReplyDelete
  39. فكره مبتكره اسلوب رائع وحظ موفق انشاء الله

    ReplyDelete
  40. رائعة يارحاب ، البساطة والابتسامة اللي أنا شايفها على المدونة ، الحروف بتتبسم ، الكلمات بترقص مع صوت فيروز الآتي من السماء ، أما اختيار الأرز باللبن فهو النقاء بعينه ، أنت من الداخل كما أنت من الخارج ، نقية شفافة ، إلى الأمام يارحاب

    ReplyDelete
  41. يا رحاب انا شفتك امبارح فى العاشرة مساءا مش عارفة اقولك اج ايه انتو كلكوا قريبين من القلب بجد كل واحده فيكمصورة لمليون بنت مصرية مش عارفة تكتب انتو بتكتبوا عنها انا لازم اجيب ال3 كتب بجد انا كنت فرحانه بيكم اوى حاجة تشرف و تفرح

    ReplyDelete
  42. من الأخر مين اللي هيأكل طبق الرز باللبن ده

    ReplyDelete
  43. انا اول مرة اعرف المنتدي وفرحان جدا بيكي وفي نفس الوقت فخور جدا جدا بيكوا انتي ورحاب وغادة نورتوا العاشرة مساء وعقبال ماافرح بيكم يارب وكمان ساعدتونىفى انى ادخل واستمتع على البلوجرز كأداة لتنفيس الهموم عن النفس مع امنياتي لكم بدوام التالق والنجاح يا احباء مصر0

    ReplyDelete
  44. هنيئاً لك تعليق الأستاذ أحمد بهجت وإستمتاعه بما تكتبين، وشكراً له على تقديمه لك الذي جعلنا نسعد بحلو الكلام والأنغام!

    ReplyDelete
  45. مفيش أحسن من أننا نقابل كل مشاكل الحياة اللى بنواجهها بعمل رز باللبن
    على فكرة أنا و جوزى و بناتى بنحب الرز باللبن ده بتاع فيروز.

    ReplyDelete
  46. بعد ان عرفت بمدونت حضرتك ارز بللبن لشخصين بالصدفة طلع ف دماغى اعمل مدونة اسميها فتة بالخل والتوم لخمس اشخاص

    ReplyDelete
  47. رحاب، مدونتك جميله جداً، وألف مبروك على الكتاب. خالد خليفه

    ReplyDelete
  48. الله يا رحاب بجد قريتللك بس اول مره كنت اشوف ضحكت الى تجنن فى العاشره مساء مع الرائعه منى الشازلى حديثك شيق ومتواضعه الله عليك يا بنت الايه اخدت قلوبنا

    ReplyDelete
  49. هاقول كلمة واحدة بس مش اكتر



    ((روعة ))

    ReplyDelete
  50. رحاب
    عايز أقولك إن الوصفة ينطبق عليها كلمة كنت قريتها.
    You Get what you Give

    على فكرة أنا فريت الكتاب بناءا غلى ترشيح استاذنا أحمد بهجت
    ربنا يوفقك يا بُنيه
    _________
    محمد البنا
    شوفي الصور دي
    http://www.photopoints.com/main/photos/photographer.aspx?ID=14580

    ReplyDelete
  51. انا كنت راجع من امتحان حلييت فيه وحش بس قريييت المدونة الناجحه بتاعتك دهيين وتقرييبا سمعت فيروووز وهي بتغني الاغنية وانا بقرا المدونة

    بجد
    انت جامدة وانا فرحان وناسي الامتحان

    ReplyDelete
  52. جميل يا رحاب
    رائع ما قرأت
    التفاصيل دافقة
    سأعود كثيرا
    حتما سأعود

    ReplyDelete
  53. حبيبتى رحاب بما انك مولوده لشم الورد كل سنه وانت طيبه فى عيد الورد وكل سنه وانت مشرقه فى بستان الادب والفكر وانت بتحبى الحب

    ReplyDelete
  54. حبيبتى رحاب بما انك مولوده لشم الورد كل سنه وانت طيبه فى عيد الورد وكل سنه وانت بتحبى الحب يا اجمل وارده ناميه فى بستان الفكر والادب

    ReplyDelete
  55. بما انك مولوده لشم الورد كل سنه وانت طيبه فى عيد الورد يا اجمل ورده لسه بتتولد فى سماء الفكر والادب

    ReplyDelete
  56. هذه الكتابة مختلفة ومتمايزة بشكل لافت
    أحييك

    ReplyDelete
  57. هنا يمكن للنساء العوده لازمنه السحر والجمال هنا يمكن لناان نولد من جديد
    بكل حواسي تذوقت طبق سحري من الارز المخلوط بالحب والقبلات ولمسات امرأه
    تدرك من تكون
    يديك يا سيده النساء هل يمكنني مغازله يدين كيدي جدتي الجميله واتوه فيهاكطفل جائع صغير لا يرجو من الحياه اكثر من طبقك الجميل.
    كل التحيه
    اميره جمال

    ReplyDelete
  58. السلام عليكم
    أسلوبك رائع يا رحاب
    دى أول مرة أدخل المدونة وعجبتنى جدا
    ربنا يوفقك..

    ReplyDelete
  59. please check out this link for the video recipe of this beautiful post:
    http://www.eatlime.com/play_49459C8F-CAC8-F463-4571-66644CD239DA

    Enjoy!

    ReplyDelete
  60. لو كل ست طبخت بالطريقه دي
    معتقدش ان فيه ست هاتطلق
    :)
    أسلوب مميز وقوي

    ReplyDelete
  61. هاي
    كاتبه رائعه...روعة الرز باللبن
    قرأت لك في مطار القاهره الى الكويت

    ReplyDelete
  62. ابدا والله ده كل ما نهرب من همومنا بتجري ورانا

    ReplyDelete
  63. شعرت بالدفئ عند قرائتى لتلك الكلمات و منحتنى نفحه من السعاده كتلك النفحه من القرفه التى لامست سطح الأرز باللبن و ذلك السر الخفى الذى لا يعلمه سوى ذلك الخليط...

    ReplyDelete
  64. روحتي فين....لا انت ولا مع نفسي

    ReplyDelete
  65. شركة ركن الامانة للخدمات المنزلية تقدم لكم اليوم خدمتان من خدماتها المتميزة بخصم يصل 30% لخدمة المكافحة وتنظيف الخزانات بمدنية جازان الشركة لديها افضل معدات تنظيف وأفضل مبيدات حشرية يمكنك التواصل معنا عبر الروابط التالية شركة مكافحة حشرات بجازان
    شركة تنظيف خزانات بجازان
    شركة تنظيف بجازان

    ReplyDelete
  66. وصفة هايلة باسلوب رهيب ورائع

    ReplyDelete