دي صور أخدتها في اللجنة الانتخابية بنادي السكة الحديد بمدينة نصر
ميكروباص ضمن 11 ميكروباص تبع مصطفى السلاب عضو مجلس الشعب عن دائرة في مدينة نصر. الميكروباص ده وأصحابه راح وجه من عزبة العرب تلات مرات وده من الصبح لحد الساعة 3 لما رحت اللجنة
مواد دعائية لحسني على باب اللجنة
اقبال جماهيري فظيع على التصويت (أغلب الناس ما لقيتش أسماءها في اللجنة دي أو لقت رقمها باسم أو اسمين مختلفين وفي الآخر قالوا لهم يروحوا يصوتوا في لحنة في عثمان بن عفان)
وآدي قائمة بأسماء الناخبين...بعون الله هتلاقي اسمك...هي القائمة مش مترتبة أبجدي...والأرقام غلط...ورقمك غير اسمك واسمك غير رقمك...لكن إن شاء الله خير.
ولا كأننا في طيارة...شاب شيك ظريف بيشرب مارلبورو لايت وعصير جهينة ولابس قميص مشجر بياخد منك ورقة شبه البوردينج باس اللي بتطلع به الطيارة وتقعد في كرسي جنب الشباك أو على الممر...ده طبعاً لو انت جاي تبع الحزب الوطني ومندوبين الحزب اللي في اللجنة ادولك الورقة دي من غير لا بطاقة بامبي ولا حاجة...الأخضر ثم الأخضر ثم الأخضر
ده شكل البوردينج باس (boarding pass) إياه
ده منظر للجنة من جوه...اقبال اقبال يا ربي...بيحوشوا في الناخبين مش قادرين. الصورة باين فيها ورا الولد عسكري قاعد. ده في منه على باب كل لجنة
محتاس...نفسه ينتخب...غالباً أسهل له إنه يغير اسمه من إنه يلاقي اسمه الحقيقي في القوائم دي
طبعاً جه وقت الغدا وكل الناس (إياهم) أكلت...إحنا اشترينا ميه وشربنا الحمد لله
بسم الله الرحمن الرحيم...شادي من مدرسة الوطني يوكل...إجابة السؤال الأول: مصر...والثاني: نعم...والثالث: أيوالله
المتسابقة الفائزة
صورة مهزوزة خالص بس دول مندوبين الحزب الوطني اللي بيطلعوا للناس بتوع الحزب ورقة الحزب علشان ينتخبوا (الحزب برضه)
طبعاً مافيش دعاية للريس جوه اللجان...انتوا هتهرجوا!
ده صباع مها...متفسفر خالص
وده نفس الملصق الدعائي بس الساعة 9 بليل
ثريا لبنه بقى كانت عامله تسهيلات للمواطنين اللي هيموتوا ويصوتوا...بلا بامبي بلا خوتة!
رحاب
ReplyDeleteمجهود رائع ومتابعه جيده ولا قناه الجزيرة
وبعدين ثريا لبنه ماهياش عضو مجلس الشعب
دى خسرت سنه 2000 امام فوزى السيد على ماأتذكر
مش عارفه مين الحرامي المحلي عندنا في مدينة نصر الأيام دي بصراحة
ReplyDeleteيمكن تكون عضو من منازلهم
ماهو فوزي السيد توفى إلى رحمة الله وعملوا انتخابات بعدها كسبت فيها ثريا لبنة.
ReplyDeleteممتاز يا حدوتة
ReplyDeleteالحقيقة .. مجهود رائع الشكر مش كفاية عليه
ReplyDeleteتسلم ايدك
أنا أول مرة اعرف إن فوزي السيد مات! حصل امتى ده؟
ReplyDeleteمتشكرة يا جماعة بس دي مجرد شوية صور ومش صور كويسة أوي يعني :)
مجهود رائع. وإن كانت الحدوتة حزينة إلا أنك حكيتيها بشكل صادق جدًا. شكرًا!
ReplyDeleteـ
thanks for the effort ..Very nice work , Keep it up .
ReplyDeleteمش فاهم حكاية الست ام "اشارب اخضر" لفته على وسطها. صوتي لمبارك وروحي لبيتكم. ليه المبالغة في النفاق؟
ReplyDeleteكويس ان انت عرفتى تصورى
ReplyDeleteأنا طردونى بره اللجنة لما لاقونى بصور
رئيس اللجنة خد موبايل ابن عمى اللى كان بيصور بيه .. ومسح منه الصور ..
مع اننا كنا واخدين بالنا جدا ان مفيش حد ياخد باله
وكان فيه صور كتير حلوة_ وحشة يعنى _
يللا خير
لأ هو احنا الحمد لله محدش ضايقنا خالص...ولا حد حتى سألنا انتوا تبع مين...واللي سألونا كانوا الناخبين اللي كنا بنحاول نساعدهم
ReplyDeleteأنا لسه بحاول اخلص كتابة اللي حصل في نادي السكة وقسم مدينة نصر...الكتابة صعبة أوي اليومين دول :(
أنا ماعرفش عمرو جاب الأخبار دى منين
ReplyDeleteثريا لبنه الحزب الوطنى مارشحاش فى إنتخابات 2000 ونزل واحد تانى مكانه خسر وكسب فوزى السيد مستقل بدل منه وبما إن الراجل له سوابق بعد سنه أثاروا القضيه القديمه بتاعته وسحبه منه الحصانه وشالوه وعملوا إنتخابات تانيه فى مدينه نصر كسبها السلاب ..دى القصه على حسب ماأتذكر
الراجل مامتش ولا حاجه
وسورى يارحاب على المداخله
tu sais ceci et partout dans le monde arabe....que dieu nous aide surtout.!!!!!!!!!!!!!!!!!!!!!!???
ReplyDeletemarhaban biki fi modawwanati.