Tuesday, August 19, 2008

يا مين يقول لي أهوى




نقف أنا وهو وجهًا لوجه، دون أن يطرف لنا رمش.
أسأله: "ها؟".
يزوم: "إيه؟".
أرمي الكرة في ملعبه: "قول إنت.. ".
يغمغم.
أحاول: "طيب.. إيه رأيك؟".
يحاول: "اللي إنتي عايزاه".
أسأل على استحياء: "عندك إيه؟".
يجيب وهو يجاهد حتى لا يُظهر تململه: "كل حاجة".
أصمت للحظات، ثم أعلن انهزامي: "خلاص! قهوة يا سيد وخلاص!".
يبتسم: "ماشي".

لبضعة أيام، أقرأ عن فوائد الشاي ومضار القهوة، ولبضعة أيام أطلب من سيد الشاي: الشاي الأحمر، الشاي الخرز، الشاي الفتلة، الشاي الورق، الشاي الإيرل جراي، الشاي الأخضر السادة، الشاي الأخضر بالنعناع، "طيب عندك بقى شاي أخضر بالياسمين؟"، ويغيظني سيد لأن عنده كل أنواع الشاي. أتمنى في مرة أن يقول أن الشاي نفد، فأطلب القهوة بضمير مستريح.

ولبضعة أيام، أقرأ عن فوائد القهوة التركي وعن أن الشاي مبالغ فيه، وأحن لوضوح القهوة، فأرحم سيد من ترددي في اختيار مشروب الصباح، وأقول بحسم بمجرد دخولي المكتب: "القهوة يا سيد لو سمحت".

أُراجع ما أعرفه عن نفسي: أحب القهوة سادة، والشاي الأحمر بثلاث ملاعق سكر، والشاي الأخضر في منتصف اليوم، والكابتشينو سادة مع قليل من السكر مرشوش على رغوة اللبن، والقهوة الفرنسية بالبندق مضبوطة، والينسون بملعقة سكر واحدة، والكاموميل بالعسل، ولا أشرب الإسبرسو أبدًا.

ولكني لا أستطيع أن أخدع نفسي طويلا: أعرف أن هناك مشروبات كثيرة، وطرق أكثر لبدء اليوم، وأعرف أيضًا أن هناك حقيقة واحدة: أنا شخصية معقدة، أُحب الوضوح وأُقدس البساطة؛ أُحب أن تكون القهوة السادة أول شيء في صباح الأيام "الزيادة".


47 comments:

  1. جربى الجنزبيل هيفور اى حاجه زى مية النار بالضبط

    ReplyDelete
  2. يا ست حدوتة هانم: اشربي اللي انت عايزاه في أي وقت. كله متاح لك :-)

    ReplyDelete
  3. متشربيش اكتر من كبايتين شاي في اليوم لحسن دا بيعمل انيميا

    ReplyDelete
  4. الوسط في كل شىء احسن و لا تكتري من شرب القهوه و لا تكتري من شرب الشاي برده

    و محدش ليه عندك حاجه اشربي اللي انتي عاوزاه

    ReplyDelete
  5. انت عارفة يا رحاب أكتر حاجة بقيت أحبها في كتاباتك إن بقى فيها حاجة دايما باكتشفها بعد ما أقرا و ماكونش فاهماها من الأول ..
    تدوينة جميلة يا رور مع اني مليش في "الأهوى" و لا الشاي

    ReplyDelete
  6. عجبتني قوي:)
    انا ماليش في القهوة ولا الشاي
    بحب الكابتشينو جدا :)

    تحياتي :)

    ReplyDelete
  7. يا حدوتتي الجميلة
    على سيرة الشاي و القهوة و ما شابه, كان بيناميعاد كوباية شوكولاتة سخنة من ايام الشتا, فاكرة؟

    ReplyDelete
  8. يا سلام على ريحة القهوة والشاي بمختلف النكهات اللي طالعة من التدوينة

    بجد
    انتي شقيه
    وجميلة

    وعفريته

    تدوينة
    جميلة

    ReplyDelete
  9. آهو كدا

    آهو كدا بجد

    روعة يا رحاب

    ReplyDelete
  10. There is nothing better than a cup of coffee in the morning while listening to a favourite song for fairouz. Coffee in the morning and red tea with ment in the afternoon are always a good choice :)

    ReplyDelete
  11. its so beutful to analyse one of those many small moments in our life

    ReplyDelete
  12. :) bel hana wl shefa

    w eldenya malyana maqalat raw3a 3n fawayed el 2hwa (A)(A)

    ReplyDelete
  13. Just this afternoon, I was thinking of the several drinks I like with different dosages of sugar that the office boy "e7tar ma3aya" :)

    Bass bezemetek, mesh all those drinks taste a thousand times better in winter? :D

    Lovely post, dear :) Keep writing, and keep adding sugar and honey to our days :)

    ReplyDelete
  14. في بعض اللينكات من اللي على يمين المدونة فيهم مشاكل

    يارب تراجعيهم لو في بالك عشان دايما مدونتك تفضل أحلى حدوتة

    ReplyDelete
  15. جميلة أوي أوي يا رحاب و أنا كمان زيك مدمنة للقهوة بكل أنواعها :) و كمان بشاركك ذوقك فب القهوة بس زودي عليه إني بشرب إسبرسو و أمريكان كوفي ...كالعادة رائعة يا رحاب أنا بقيت مدمنة للمدونة بتاعتك مستنية جديدكم

    ReplyDelete
  16. كتر الأختيارات احيانا ما يعقونا عن الأختيار, انا كمان مدمن قهوة واحترم الفنجان المظبوط, وغير كده بيبقى شاى, اما السنكافيه والكابتسينو والكلام ده ففرايحى كده

    مبروك عالكتاب ولو انها متأخرة شويتين

    حازم

    ReplyDelete
  17. السلام عليكم
    انا كمان بحب الشاي جدا وبحب اول ما اصحي من النوم كوباية الشاي علي طول

    ReplyDelete
  18. انتي بسيطة اوي ودي احلى حاجة فيكي
    بس ساعات كتير البساطة والوضوح يودو في داهية
    عموما لما تشربي النسكافية خلي اللبن كتير اوي عشان كدة احسن
    ربنا معاكي

    ReplyDelete
  19. So clear that as much as you are a simple person, you like to try evth!! Thats sth that most of us need to do, trying new things and breaking rules is always educating.
    Good job gurl!

    ReplyDelete
  20. ba7eb awi el posts elli bte7ki 3an nafsik :) bet2arabni menik w bet2arabni men nafsi w bashoof tafaseel eldonia el so3'ayara awda7 w a7la :)
    merci ya ruby :) mouaah

    ReplyDelete
  21. انا مبسوط يا رحاب اني عرفت حد تاني بيحب يشرب قهوة سادة على الصبح في المكتب ،

    رحاب بساطتك في الكتابة لذيذة اوي ، النهاردة تاني مرة اقرا الكتاب من اول وجديد ، روعة

    تحياتي

    ReplyDelete
  22. ولا القهوة ولاالشاي ولا أي حاجه من دي شرط لبداية أي يوم من الأيام ,
    مالها الميه
    حاجه جميله خالص

    ReplyDelete
  23. "هناك حقيقة واحدة: أنا شخصية معقدة، أُحب الوضوح وأُقدس البساطة؛ "

    تناقض احببته :)

    بس الهروب من القهوة هل هو هروب من التعقيداو الوضوح اوالبساطة؟

    ReplyDelete
  24. بوست جميل يا رورو ، كالعادة طبعا ..

    بس بصراحة مهما روحت و لا جيت مفيش احلى من فنجان القهوة التركي السادة ساعة العصرية ، انا عشت انا وجارتي على كده من السبت للاربع ، لمدة 6 سنين ، و يا سلام على كلامهم ..

    بفتقدها جدا لانني عزلت و هيه كمان رجعت الاردن ، هتستقر هناك ..

    عموما بقدملك اقتراح ..

    جربي القهوة العربي و التمر ، دي بأه لوحدها مزاج تاني خااااااااالص ..

    و اخر الكلام سلااام ..!!

    ReplyDelete
  25. nicely written ya Rehab..bas take care elahwa we mshtakatha bet2alel emtesas elgesm leldehoon....one of my diet doctors once told me to stop drinking nescafe and other staff..i know by saying this am giving u an excuse to back to ur tea package:))))))))

    ReplyDelete
  26. amazing blog :)
    lel 2asaf el dr mane3ne men el tea wel coffee :(
    da3awatek ya roro

    ReplyDelete
  27. اشربي الي قدامك
    ما توفريش حاجة

    ReplyDelete
  28. جميلة كعادتك يا رحاب

    ReplyDelete
  29. حدوته حلوه
    اول مره اشارك
    بس عجبني اسلوبك
    كل عام وانتم بخير

    ReplyDelete
  30. ما ليش أوي في الشاي... بس آخر مرة كنت في مطروح (اللي مشهورة بنعناعها)... صديق لي نصنحي أطلب شاي بالنعناع،... لما جه وقت سؤال " الباشا يشرب إيه "... سمعت كلامه وطلبت شاي بالنعناع... صديقي كان جربه قبلها بيوم، فأوصى الراجل إنه يعمله زي ما عمله إمبارح... بعد شوية، جت الطلبات، فلقيت الراجل عمال يدلل ويسأل على اللي طلب "الزغدة" (أو الزردة)... طلبت منه إنه يكرر إسم المشروب، فذكر نفس الكلمة... سألته عندها، يعني إيه الزغدة دي؟ قال الشاي بالنعناع... ضحكت وقلتله هنا... الراجل وضع أمامي براد شاي وكباية صغيرة أوي... فرغت الشاي في كباية، تلتها كباية، فأخرى إلى أن أنهيت الزغدة... كان أحلى شاي شربته

    بقى لي أن أبدي إعجابي بتلقائيتك، وإنسياب عباراتك

    ReplyDelete
  31. كلامك الجميل بيفكرني بالنشاط ومرواح الشغل بدري والحاجات الحلوة دي .. أنا باتخيل دخولك الشغل بالحماس ده - والقهوة دي - ممكن يبقي يوم عمل حلو ..ومافيهوش ملل
    سعدت بزيارة مدونتك ..
    رمضان كريم ..كل سنة وانت طيبة
    تحياتي

    ReplyDelete
  32. رحاب انا لسه جديدة زانتى من اول الناس الى انا قريت لها بجد احساسيك حلو اوى

    ReplyDelete
  33. امتى اتكتبت دي؟ وازاي ماشفتهاش
    :):)
    حلوة .. حلاوتها زيادة كمان

    ReplyDelete
  34. رحاب ... كل سنة و انت طيبة يا جميلة و رمضان كريم

    ReplyDelete
  35. وقال على رأى المثل:
    سودة يا قهوة والقلب وما يهوى

    :)))

    ReplyDelete
  36. كل عام وأنتم بخير

    اللهم تقبل منا صيامنا وقيامنا وركوعنا وسجودنا

    رمضان كريم
    وليد

    ReplyDelete
  37. كل عام انتم بخير
    تقبل الله منا و منكم طيب القول و صالح العمل

    ReplyDelete
  38. جميلة جدا
    أنا أول مرة أدخل على مدونتك بصراحة و أول مرة أقرالك حاجة
    بس البداية مشجعة انى أدخل على طول بصراحة
    البوست رائع بجد و بسيط و معبر جدا

    ReplyDelete
  39. انا كمان بحب القهوه اوى

    و الساده خصوصا

    و بحب النسكافيه

    و الكابيتشينو

    بوست حلوه اوى

    ReplyDelete
  40. إنتي أديبة متمكنة,جميلة جدا

    ReplyDelete
  41. عزيزتى رحاب
    زى ما شميت ريحة القهوة والشاى والنعناع والعسل واللبن وكل الحاجات الحلوة دى فى البوست، كمان قد ايه شميت ريحة البساطة والتلقائية

    الانسان كتير ممكن يتوه ويتلخبط من كتر الاختيارات ومن رغبته المستمرة فى تجربة الجديد وده مش وحش لكن مهم جدافى الآخر انه يكون عارف بالظبط ايه أحسن حاجة بتريحه وعارف انه فى ايده يختار شىء مختلف و فى ايده كمان يستمر على نفس طبيعته وقت ما هوا عايز

    أحييك على البوست رائع كالعادة

    ReplyDelete
  42. ليس لي في المنبهات

    و لا المشروبات الغازيه

    و لكني في الفتره الحاليه أصبحت أضطر لبدء يومي كما تقولين الزياده بقهوة ساده

    فكره رائعه

    ReplyDelete
  43. سيد ! الله يمسيه بالخير

    أنا كنت بازهد في العثور على سيد شخصيا
    وكانت فرصة للقيام والتمشية واعمل لنفسي القهوة

    هو كان ييجي على الآخر بس علشان أسبقه وييجي وراية بالقهوة اللى أنا عملتها

    يا رحاب عيدي النظر في الاسبرسو
    آفاق تانية خالص!

    ReplyDelete
  44. بوست جميل جدا يا رحاب.....انا اول مرة اكتب عندك كومنت مع انى بقرالك من زمان حوالى سنتين ونص واتبسط لما شفت كتابك(بصراحة انا ماشترتهوش ب بس دة علشان انا قريتة كلة على المدونة اسف لو الكلام دة هايزعل الناشر:( ودايما مدونتك بتبقى الاختيار الاول مفى الايام الزيادة زى ما بتقولى ...شكرا حدا على اوقات جميلة وكذا تفصيلة صغننة وحالة حلوة شاركتينا بيهم ...شكرا قوى

    ReplyDelete
  45. رحاب طبعا انتي فاكرني انا رنيم بجد انا معجبه بيكي جدااااااا
    ادخلي شوفي مدونتي

    تحياتي مبتسمة دائما

    ReplyDelete
  46. بوست جميل
    موش عارفة ليه حاسة اننا شبه بعض في حاجات كثير
    فكرتيني بقصة كتبتها
    ممكن تقر~يها على اللينكات
    http://alketaba.jeeran.com/story
    /asma.html

    http://baabalshams.maktoobblog.com/273466/%D9%82%D9%87%D9%88%D8%A9-%D9%85%D8%B1%D8%A9/
    باي

    ReplyDelete
  47. Buy real human website traffic at TargetedWebTraffic.com now and you will receive 24 hours a real human, targeted visitors you need, at a reasonable price, with daily customer support. Generate Targeted Real Human Traffic to Your Website that converts & Get Targeted & High Quality Traffic.

    ReplyDelete