Tuesday, September 19, 2006

الآيس كريم أفضل من الحب


عشرة أسباب مقنعة:

1. الآيس كريم لا يكلفك شيئاً...تقريباً.

2. لن تدخل في صراعات درامية إذا ما أخذت آيس كريم شخص آخر (غيري أنا طبعاً).

3. لن تغار على الآيس كريم من باقي أصدقائه الآيس كريمات في الثلاجة، أو تشك في سلوكه.

4. لن تنتابك رغبات محمومة في السيطرة على الآيس كريم وتغيير شخصيته.

5. لن تفكر بالساعات فيمن سيأكل الآيس كريم غيرك، أو من أكل منه قبلك.

6. لن تسهر طوال الليل تفكر لماذا لم يرد الآيس كريم على اتصالك.

7. لن تحتار في كيفية التعبير عن مشاعرك للآيس كريم، ولن تفكر لأيام طويلة كيف تقول للآيس كريم إنك لم تعد تحبه بل أصبحت تميل للشوكولاتة أكثر.

8. لا يجب أن تعرف أهلك على الآيس كريم.

9. يمكنك أن تحصل على أكثر من نكهة في المرة الواحدة، أو نكهة مختلفة في كل مرة، بدون أن يظن أحد أنك خائن أو متلاعب أو "بصباص"...قد يظنونك فقط نهماً.

10. وأفضل ما في الآيس كريم أنه عندما تريده يمكنك أن تحصل عليه ببساطة من أي مكان وفي أي وقت.

41 comments:

  1. .......و هو المطلوب أثباته

    ReplyDelete
  2. أسباب مقنعة برضه :D

    مشكلة الايس كريم انه بيسيح اسرع من الحب

    و لو ان برضه ساعات الحب ممكن يسيح اسرع

    ReplyDelete
  3. ده غير ان فيه نظريات اثبتت ان الشوكولاتة ليها نفس التأثير اللى بيديه الحب. على كدة الآيس كريم بالشوكولاتة اجمد حاجة ف الحياة!

    ReplyDelete
  4. you're so right.....keep eating ice cream but I don't think he can buy you a flat,a car and it can't get you pregnant....

    el masry affendi

    ReplyDelete
  5. السهل الممتنع :)
    وأحلى حاجه لما الواحد يقرر بيبطل حلويات نهائي مفيش حاجه بتوجعه ولا حد يخنقه كل يوم بتعليقات وأسئلة مش ظريفه!

    ReplyDelete
  6. وعمر ما الايس كريم هيسيبك و يروح لحد تانى ده انتى اللى ممكن ترميه و تحبى اى حاجة تانية .. شيكولاته او عصير جصب ولا اى حاجة تانية

    ReplyDelete
  7. المشكلة ان الايس كريم ساقع

    في حين ان لمسة ايد واحدة جميلة ممكن تدفي الشتا في عز البرد

    طبعا مش هنتكلم عن مشاكل التسوس والذي منه

    ReplyDelete
  8. hahahahaha:D :D :D
    correct, you are so right!

    Ri7ab.
    I decided what i am gonna do with my life, i will open an ice cream shop and call my ice cream happiness. and i will write a big sign saynig:
    " who said you cant buy happiness? "
    i always thought it would be chocolate. now i know its gonna be ice cream.
    chocolate ice cream maybe!

    2eh ra2yik, todkholi sharaka ma3aya?

    ReplyDelete
  9. كل سنه وانتم طيبين رمضان كريم

    ReplyDelete
  10. :D 2 7adoutas wara ba3ad eh elhana elana feeeih dah....ta3aly ya re7ab nesra2 fekret khalid Jarar we nefta7 ana wenty ma7al ice cream. sorry khalid ;D.
    fee 7aga kaman law etnarfezty 3ala ice cream 3ashan narfezek msh hay2olek enty betetnarfezy 3alaya leih..hatermeih 3alatool we takly ay 7aga tanya..lol

    ReplyDelete
  11. وإذا أعطتك صديقة نصف الأيس كريم الخاص بها فستقبليه منها دون أن تخشي شعورها بالغيرة منك فيما بعد
    :-p

    ReplyDelete
  12. حلوه يا رحاب ..انتي عارفه انا كنت زمان بحب الايس كريم قبل عمرو وبعدين قبل ما يقولي بحبك بكام يوم عزمني علي ايس كريم وبعد ما قالي بحبك بعشر دقايق عزمني برضه علي ايس كريم ..تفتكري صدفة ؟

    ReplyDelete
  13. آيس كريم فانيللا بالفواكه المجققة و عليه صوص بلوبيري و زبيب

    آيس كريم موكا بتشانكس شوكولاته و عليه صوص شوكولاته و كاراميل

    البوست ده جاب ضلف الريجيم النهارده -

    ReplyDelete
  14. في حاجة كمان تخلي الأيس كريم أحلى, عمر ما في أيس كريم أو أيس كريماية (أياً كان نوعه أو نوعها) جرح(ت) قلبك و بعدين رجع(ت) يسطعبط أو تسطعبط و يقول أو تقوا مش عارف أية كده و المفروض بقى أن الواحد يقبل و يسامح!! (أوعوا حد يعلق على خطاب التأنيث و التذكير السابق. أنا كان كل قصدي التعميم و جت معايا كده) ماشي؟

    ReplyDelete
  15. اقنعني جدا السبب رقم 9 :))))

    بس في سبب ممكن يضاف للعشرة المذكورين في التدوينة..

    الأيس كريم متعاون ومتفهم تماما لفانتزياتك المختلفة.. يعني طريقة الإستمتاع ب"الإستيك" غير "الكونو", غير اللي بتاكليه بالملعقة.. :))))


    ضحكتيني واقنعتيني كمان بمزايا الأيس كريم يارحاب.. تدوينة في الجون

    ReplyDelete
  16. كلام لطيف
    وظريف
    و خفيف
    لكنه مش معقول
    م الأخر تخاريف

    ReplyDelete
  17. بصراحة يا توتة
    انا بموت فى الايس كريم طبعا
    بس مش مقتنعة بالمقارنة

    ReplyDelete
  18. بصراحة يا توتة
    انا بموت فى الايس كريم طبعا
    بس مش مقتنعة بالمقارنة

    ReplyDelete
  19. الآيس كريم بارد
    يسيل كبهجة قديم
    مركونة خلف الباب

    الآيس كريم
    طائرة ورقية
    نائمة في الجوار

    الآيس كريم
    حين تفاجئ قلبه لسعة الحب
    سيغرق ملابسنا
    ووجوهنا

    الآيس كريم
    نحن
    حين يكف ذلك الكائن خلف أقفاصنا الصدرية عن الخفقان

    ReplyDelete
  20. أحييك على كتابتك الجميلة يارحاب

    ReplyDelete
  21. ده غير كمان إنه بنكهات مختلفة مناسبة لكل الموودز مع إنه حاجة واحدة في الآخر: آيس كريم

    الفانيليا لما تكوني بتحبي نفسك.. الشيكولاتة لما الدنيا تكرهك!
    الفراولة لما يكون فيه شوية جنان.. الكنتالوب لما تكوني زهقانة وعاوزة نكهة مختلفة..
    المانجه.. ممم.. لما تكوني عاوزة يجيلك حساسية.. كده يعني :) !

    بحبك أكتر من موفنبيك شخصيا يا حدوتة بجد!

    ReplyDelete
  22. الآيس كريم بيوجع الزور انما الحب بيوجع القلب

    ReplyDelete
  23. أهم شيء انه غياب الأيس كريم لا يترك ثقبا بهذا الحجم في القلب

    ReplyDelete
  24. i have read the same commets but it was:"why beer is better that women" , in a bar called mermaide in me7atet el raml ....it'a a nice place though. :)

    ReplyDelete
  25. مشكلة الآيس كريم الوحيدة انه بيدوب بسرعة زى الحب بالظبط و بيلحوس الدنيا برضه زى الحب تمام
    انما طبعاً كلها أشياء يمكن تجاوزها مع الآيس كريم لأسباب عشرة مقنعة

    ReplyDelete
  26. نظرية برضه

    و لو ان برضه الاختلاف ان الايس كريم تأثيره الاقوى فى المعدة

    اما الحب ففى القلب

    :) تحياتي

    ReplyDelete
  27. مبروك حدوتة على نزول موضوعك فى عشرينات
    http://20at.com/article2.php?sid=1253

    ReplyDelete
  28. ماشي ماشي هقول عليه ايس كريم
    هعديها المرة دي
    كراكيب

    ReplyDelete
  29. أنا عندي وجهة نظر تانية
    اللاب توب أفضل من الأيس كريم نفسه

    1- ممكن تسخدمه في أي وقت وتسيبه شغال 24 ساعة ..في حين الأيس كريم لو سبته شوية هيبوظ

    ممكن تعمله باسورد وبالتالي محدش هيستخدمه غيرك
    في حين الأيس كريم ممكن حد تاني ياكل منه

    ReplyDelete
  30. الايسكريم حلو
    والحب حلو
    وكل شيء حلو

    ReplyDelete
  31. الايسكرم حلو
    والحب حلو
    وكل شيء حلو

    ReplyDelete
  32. هاهاها، إيه الأفش اللي عالحب ده! بس بحب أسلوبك أوي:)

    ReplyDelete
  33. hwa enty motaakeda enek men ahm 3ashar modawenen fe el 3alam el 3araby ? !!!!!!!!!!

    ReplyDelete
  34. when u leave the ice cream, dont swich to bonboni, it will heart ur teeth ;P

    ReplyDelete
  35. mystic_dream2/12/06 8:10 PM

    ممممممممممم
    بصراحه انا بحب اوي الايس كريم فانيليا
    وفي رأيي اني في حاجات كتيير اوي احسن من الحب ووجع الدماغ...........
    بس فعلا مش كلها حاجات في متناول اي حد زي الايس كريم
    كلامك عجبني وده اللي لسه مكتشفه دلوقتي و مكنتش اعرفه بعد ماقريت حكايه الايس كريم

    ReplyDelete
  36. حلوة قوى الدماغ دى


    طبعا الايس كريم احسن
    لانى لما احب مزة باجيبلها ايس كريم
    لكن لو حبيت الايس كريم طبعا مش هجيبله مزة ..
    وبعدين الايس كريم بيتاكل من غير دوشة ونكد ووجع قلب وزن وتزبيط وتثبيت
    فليحيا الايس كريم

    ReplyDelete
  37. بس انا اسف لو كلامى مكشوف
    انت عمرك جربتى لحس الايس كريم من شفايف حد
    ده سحر الحب
    نكهات من ريحه حبيبك

    ReplyDelete
  38. تفاهه وفراغ عقل

    ReplyDelete
  39. بس انا شايفه فايده للحب اكتر من الأيس
    كريم 00الأيس كريم بيتخن و خصوصا لو زودتي 00و الحب بيخسس و خصوصا لو وقعتي لشوشتك00
    lol

    ReplyDelete
  40. حلوه يا رحاب انا معجبه قوي بالمدونه بتاعتك
    في حاجه كمان في موضوع الايس كريم ان اقصي ضرر ممكن يسببه الايس كريم هو اللوز لكن الحب ممكن يصيب بالكتئاب والسكر وامراض ضغط الدم والقلب والسكته الدماغيه وكل الحاجات اللي انتشرت بين الشباب دي
    ده غير بقي اني في اي وقت هضايق من الايس كريم خلاص مش هاشتريه (بفلوسي ياكلاب)لكن الحب مصيبه واتعكينا فيها والجدع اللي يخلع بقي
    تحياتي ومبروك الكتاب بجد يجنن

    ReplyDelete
  41. 3ayza 2a2olek enek enty el sabab f eny bada2t a7awel akteb .. w 3moman mawdo3 l ice cream da 7lw awiii 3arfa enk kman mmkn kol yom takleh b ta3m mo5talef :D w men ma7el tany ;)

    ReplyDelete