Friday, October 09, 2009

فصل عن الزقزقة


تحت بيتنا شجرة ضخمة تصل أغصانها لشباك حجرتي في الدور الرابع. يسكن الشجرة عائلة كبيرة من العصافير، أظن أنها تمتد للجيل الخامس. هناك عصفورة مُكلَّفة بالاستيقاظ قبل كل العائلة لتوقظهم. هذه العصفورة المبكرة لديها نظام ثابت: تستفتح اليوم بالتوجه إلى الله بدعاء "يا فتاح يا عليم، يا رزاق يا كريم"، ثم تبدأ في النداء على كل عصفور باسمه. تتوقف أحيانًا وسط النداء لتٌلقي خطابًا حماسيًا قصيرًا جدًا من أربع زقزقات سريعة لتشجع العصافير التي استيقظت وتمدحها، وتوبخ العصافير الكسالى التي تتناوم.

فيما عدا العصفورة المبكرة هناك القليل من أصوات العصافير الصباحية، أصوات مثل "ما تتأخرش"، و"ما تنساش القش"، و"هتوحشني"، و"مش كل يوم دود!"، و"بعد صلاة الظهر عند شجرة الجوافة، إوعى تتأخر"، و"أنا والشباب هنلقط رزقنا في الجنينة الكبيرة النهارده، خليكوا إنتوا مع العيال". زقزقة هنا، زقزقتين هناك، واحدة قصيرة هنا، أخرى أطول هناك. كلام سريع ينتهي مع أول شعاع شمس وانطلاق كل عصفور في رحلته.

عند غروب الشمس، تبدأ العصافير في العودة للشجرة. يكون المشهد أكثر فوضوية وضجيجا. فكل العصافير تقريبًا تعود في نفس الوقت، مما يتسبب في زحام واختناقات مرورية وارتباك في التيارات الهوائية حول الشجرة، لا تهدأ حتى يصل كل عصفور لغُصنه. لا يخلو وقت العودة من بعض الاجراءات الروتينية اليومية: فهناك فرقة مكلفة بالتأكد من تمام عدد أفراد العائلة، وتقديم كشف بالمفقودين والأسرى والمتأخرين. هناك فرقة أخرى مكلفة بتقديم بيان بالجرحى وإصاباتهم وملابسات الحادثة. وأخرى تقوم بتوزيع الطعام بالتساوي على كل أفراد العائلة. هذا بالإضافة إلى فرقة إنقاذ سريع تعمل طوال النهار وهي مستعدة للإنطلاق في أية لحظة.

تجلس كل أسرة على غُصنها لتناول العشاء، ويكون على كل عصفور أن يحكي قصة يومه بالتفصيل للعائلة كلها، فيتشاركون في عناوين أماكن الرزق الجديدة، ويحذرون بعضهم من أطفال بحجارة أو بنادق في مناطق معينة، أو فخاخ في مناطق أخرى. يتبادلون وصفات الطعام، وخبايا الحبوب في مختلف الحدائق التي زاروها اليوم. يقترضون من بعضهم البعض بسهولة، فيعطي هذا العصفور لذاك قشة، أو ورقة شجر، أو حتى ريشة. يتكلمون كلهم في نفس الوقت بلا توقف. أخبار وشكوى وأسرار ونوادر. الحكي يمتعهم ويطمئنهم ويصنع حولهم هالة دافئة من الونس. حكي.. حكي.. حكي.

يغمرني شلال من الزقزقة. في هذه اللحظة أتمنى أن أكون عصفورة.. لساعة واحدة فقط.. كل يوم.

49 comments:

  1. مش قدره اصدق اخيراااااااااا يا
    رحاااااااااب
    لا و ايه اوووووول تعليق كمان بجد هقع من طوليييي

    بجد و حشتنيييييي كتاباتك موووووووووووووت

    اناااااااااا فرحااااااانه اوووووووووووووووووي

    ReplyDelete
  2. رحااااااااااااااااب أنا مش قادرةأصدق بوست جديد ليه بس بطلتي تكتبي كل شوية أفضل ادعي وأقول يارب رحاب تنزل بوست جديد أنا رنيم اللي جبتلك ورد في معرض الكتاب وتصورنا معاكي وبعتيلي الصور المهم أنتي وحشاني أوي ويارب يكون في كتاب جديد ويبقي في حفل توقيع في معرض الكتاب يارب

    تحياتي مبتسمة دائماااااااا

    ReplyDelete
  3. http://ranim-mobtasma.blogspot.com/2009/09/blog-post_22.html

    يااااااااااااااه أنا تاني تعليقققققققققق وتالت كمان بوست الجدي ادخلي اقرائية اسمه الفوضي التكوين أكيد بيفكر ببوست قديم أنتي كتابتيه لأزم تكوني أول تعليق ادخلي بسرعةةةةةةةةةةةة

    ReplyDelete
  4. ياريت يا رحاب
    فعلا الواحد بدأ يحس انه عصفور بجناح مش مكسور وبس لا ده الالم الي فيه اكبر من انه يتحمله
    تحياتي

    ReplyDelete
  5. فعلا أنا بلاحظ موضوع الاختناقات المرورية اللي آخر النهار

    ReplyDelete
  6. ليتنا نكون عصافير خصوصا عندما عندما ندرك اننا نعيش مع نوعيات غريبة من البشر !

    مدونة جميلة اختي رحاب .. والغريب اني دخلت اليوم لاعلق وكنتي غائبة عن التدوين منذ فترة طويلة .. اكيد حظي حلو : )

    كل التوفيق اختي العزيزة

    ReplyDelete
  7. i love it i love it i love it
    tweet tweet tweet

    ReplyDelete
  8. وكيف لا تكونين عصفورة بعد فهمك لكل هذه الزقزقة ؟!!
    أنت عصفورة عاشت "العصفورية" بكل تفاصيلها

    طولتي غيابك أوي يا رحاب
    لعل المانع خير

    ReplyDelete
  9. انا عايزة أكون عصفورة عشان اجرب احساس الطيران

    انما لو الحياة متشابهة اوى عند الكل
    ف أنا كدا راضية ببشريتى



    عودا محمودا يا رحاب
    ولكن عودى بقوة أرجوكى

    ReplyDelete
  10. alf alf alf mabrooook y gmeeeeeeeel 3la el ktab w bgd mnwarna w norty el blog bta3k tany y2mer
    welcome back w yrab tfdly f nga7 3la toooooooooooooooool

    ReplyDelete
  11. متغبيش علينا تاني
    وحشتنا زقزقاتك
    :)

    ReplyDelete
  12. تخيلى صديقتى العزيزه لو انت اصبحتى عصفور ايه هيكون احساسك تجاه الغربان والحديات والبوم ونسور الجو ؟ اعتقد عندها هتتمنى تكونى انسانه او ممكن ربنا يبعتلك عيل غتت ببندقيه رش وهاوى صيد ..... بلاش اكمل احسن , يعنى من الاخر عندنا مثل بيقول قليل البخت بيلاقى العضم فى الكرشه , واسمعت نكته عن واحد عجوز لقى فانوس علاء الدين وطلب من العفريت انه يصغر فى السن, صغره لسن اربعين . طلب يصغر اكتر, صغره لسن تلاتين طلب يصغر اكتر , صغره لسن ست سنوات فرح جدا يومين وجتله حصبه ومات ,
    اكيد احنا احسن من العصافير
    خلقت ربنا الذى احسن كل شئ خلقه

    ReplyDelete
  13. حلوه وفيها دفىء

    ReplyDelete
  14. حمداً لله على السلامة
    غيبة طويلة
    قوي
    قولت ان حضرتك اتشغلتي بموضوع الكتاب
    بس الحمد لله ان المدونة رجعت للحياة مرة تانية
    احب اهني حضرتك على الكتاب - و لو انها متأخرة
    و اتمنى لك التوفيق

    زقزقة النهاردة حلوة .. اعتقد اننا محتاجين اوقات نتفرج فيها على العصافير و الشجر و السحاب .. بدل العربيات و المباني و اليد البشرية التي غطت وجه الطبيعة الساحر

    ReplyDelete
  15. i wanna say thaanks Rehab u made me happy :)) ...really u made my day

    ReplyDelete
  16. فرخت بيكي قوى و بكل كلمة ..لدرجة إنى حطيت المدونة بتاعتك لينك على مدونتى ...http://layalinanabulsi.blogspot.com/

    ReplyDelete
  17. welcome back Rehab!

    You are blogging again ... how is your novelwriting going?

    Did you enjoy your time in Germany?

    Greetings from all birds here!

    ReplyDelete
  18. الله الله الله
    بحب الشاعرية المبهجة ديه .. جميلة أنتِ يا رحاب
    عود أحمد بجد :))))

    ReplyDelete
  19. من ساعة ماتمنيت أقرالك شي جديد تفاجأت بالقوقل ريدر ينبهني على بوست لحواديت .. يارتني كنت اتمنيت مليون ريال وقتها هههههه:p
    وحشتينا بجد يارحاب

    ReplyDelete
  20. انا المره الاولي التي اقرا لكي .. تعرفت علي مدونتك من صديقتي بثينه طياره ورق .. الحقيقه انتهز فرصه هذا النوت اللطيف الخاص بالعصافير وزقزقتها لاسجل اعجابي بتعريفك بنفسك " مولوده للحواديت وشم الورد " تعريف بسيط وحميم ..
    بالنسبه للنوت..فحياه العصافير مثل حياتنا مثل حياه كل الكائنات " حكي في حكي " تحياتي

    ReplyDelete
  21. Charif Khedr13/10/09 1:21 PM

    I believe I can flyyy
    I believe I can touch the sky
    I think about it every night and day
    Spread my wings and fly away

    ReplyDelete
  22. hey there.. I check in every now and then not really expecting a post but always hoping I would find one. And this time I did :)

    Such a sweet little post.

    Yalla ba'a, write some more.

    ReplyDelete
  23. مش هينفع الكسل ده يا رحاب
    ده انا ادمنت كتابك
    مزهقتش منه بس عايز جديد
    يا تكتبى كل شهر على الاقل يا اما مش لاعب ..
    وسعيد انى الرد رقم 25
    حطيت رابط مدونتك فى مدونتى اتمنى تزوريها
    وياريت تفكرى فى كتاب تانى
    سلام

    ReplyDelete
  24. رحاب...رحاب...رحاب
    ياريت تنورى مدونتى وتقوليلى رأيك فى مقالين انا كاتبهم
    الاول:الشر والخير
    التانى:الحياة مرارا وتكرارا ج1
    ويا لو تنورينى اكتر بتعليقك عليهم
    وانا راضى اذا كان التعليق كويس او لأ
    متنسيش
    هفضل مستنى ردك عشان بقالى ستة اشهر مكتبتش
    يرضيكى كده
    اكيد لأ
    يلا بقى انتى لسه بتقرى الرسالة

    ReplyDelete
  25. Begad, it's a beautiful blog, I was feeling a bit down today and ur blog was like a ray of sunshine through my grey cloud...loved it....

    ReplyDelete
  26. نيجي ليكي بقى
    بجد انت ماشاء الله عليكي
    فنانة بجد بس انتي قسم ايه
    اوعي تقولي جرافيك
    لان كل اللي اعرفهم في فنون لازم يكونو جرافيك

    تاني حاجة بجد كتابتك ممتعة حواديت بجد

    بوست العصافير جميل جدا وكتير انا ركزت معاهم وتخيلت كلامهم لبعض بيكون ايه
    والنمل كمان


    تالت شيء بقى والاهم كتابك مش عارفة اوصل ليه اللينك بتاعه مضروب هاتي ليا بسرعة
    تحياتي واتمنى دوام التواصل

    ReplyDelete
  27. الظهر إن كلنا عصافير واحنا مش واخدين بالنا ...فعلاً رائعة.......

    ReplyDelete
  28. يااااااه يا رحاب لو الواحد فعلا يقدر يطير ويبقى حر زى العصافير ..يتحرر من القيود والمجتمع وكلام الناس و..و..
    يعيش بحرية ويسافر فى كل بلد يوم ويشوف ناس جديدة ..نعيش حياة من غير خنقة.. من غير قيود"أوراق" ..بطاقة وباسبور وفيزا وتصريح وتفتيش واقامة..وينفع ومينفعش ....وقيود لا تعد ولا تحصى
    يا ريت

    ReplyDelete
  29. ويأتى الساحر الذى يحول الاشياء الى اشياء اخرى
    فيشير اليك بعصاة يتصاعد من طرفها نجوم
    ويقول: فقط تمنى ماتريدين بشدة لتصبحى ماتريدين

    رائعة جدا جدا

    ReplyDelete
  30. ياااااه يا رحاب اخيراً شفناكي ؟
    ده انتي بقى لك كتير منزلتيش بوست جديد فقلت اكيد بقت كاتبه مشهوره يبقى مش هتكتب غير في الكتب والورق وهنفتقد جو المدونة بجد :( متقطعيش عشاق المدونة يارحاب احنا بنحبك

    بالنسبة للبوست انا مش عارفه كل ما ضغطت عليا الحياة اتخيل نفسي اعيش في مكان عالي او اني اقف على سفح جبل و الهواء يجي من كل ناحية ولما باتخيل نفسي شيء آخر اتخيل نفسي عصفوره .. مش عارفه ليه دايماً باعشق الاعالي و اهرب لها حتى في الخيال
    أشواق - السعودية

    ReplyDelete
  31. اهلا رحاب كيف الحال
    بلوق جميل

    قريت وحبيت القصه،، فعلا تخيلتها
    واسترجعت اصوات عصافير المزرعه
    مزرعتنا كبير ، محاطه بأشجار كبيره
    كل فجر وكل مغرب تتفرق وتتجمع العصافير
    سبحان الله

    ارتسمت ابتسامتي وانا اقرأ

    :)

    ReplyDelete
  32. هايلة كالمعتاد .. حمدا لله على سلامتك

    ReplyDelete
  33. كلام جميل و رقيق , عودة محمودة

    ReplyDelete
  34. قصة مؤثرة وعصفورية كثيرا .. الأحلام كثيرة، والأجمل خيالنا الواسع، دمتي بود

    ReplyDelete
  35. حلوه اوى القصه وكمان مشهد بيتكرر كل يوم لكن موش اخدنا بالنا منه
    تحياتى

    ReplyDelete
  36. تأمل راقي لانسانه راقية مثلك ليست المرة الاولى للزيارة ويسعدني التعرف عليك
    تحياتي

    ReplyDelete
  37. بصراحه أول مره أشارك معاكِ فى مدونتك الرائعه بعد لما قرأت كتاب أرز باللبن لشخصين عجبنى جدااا بجد أسلوبك مبدع وسلس وبتوقف حاجات حلوه قوى تحكى عنها أمتعتينى بكتابك ماشاء الله عليكِ

    ReplyDelete
  38. ana ba7ebek awy ya rehab

    ReplyDelete
  39. جميل جميل جميل

    ReplyDelete
  40. طريقة السرد دي تخلي الشخص يقسم بالله انه يعرفك من 1575 سنة ......


    خلتيني أتمنى ابقى عصفور


    و افتكرت الجملة الشهيرة لسناء جميل


    "ولا يا حموووووووو
    .......
    التمساحة يالاااااااااااااا

    ReplyDelete
  41. جميل جدا جدا يارحاب
    كمان اتمنى إني اكون السما نفسها اللي تضم كل العصافير

    ReplyDelete
  42. أهلا حدوتة
    وصباح النور :)
    ..
    مالكيش حواديت جديدة السنة دي؟ وحشتنا كتابتك، والصراحة قربت أحفظ كتابك من كتر ما قريته!
    عايزة تاني لو سمحتِ :):)

    ReplyDelete
  43. ما شاء الله ... ايه الإبداع ده ؟ .. اسلوب راقي و متميز ما شاء الله

    اول مره ازور المدونه بس ان شاء الله نتابع دايما مع حضرتك

    كل المدونين بقو بيكتبو باحترافيه و انا اللي وقعت من قعر الأفه يعني ؟

    ههههههههه

    يا ريت اتشرف بحضرتك في مدونتي المتواضعه

    http://ra7alaat.blogspot.com/

    شكرا لوقتك

    ReplyDelete
  44. ما شاء الله عليكي

    ايه الإبداع ده ؟؟؟؟ طريقة سردك ممتااااااازه و تاخدي عليها ستار كمان

    برافو عليكي و الله يا رحاب .. و نورتينا بغد غياااااااااااب

    يا ريت تنوريني هنا و تشرفيني بتعليقك

    http://ra7alaat.blogspot.com/

    شكرا لوقتك :)

    ReplyDelete
  45. ما أحلى وأرق وأعذب ما تكتبين... ما شاء الله ... أرجو ألا يطول الغياب مرة أخرى ... تقديري واحترامي...

    ReplyDelete



  46. الكثير منا يعانى من طرق النظافه القديمه المتعبه والمؤلمه ودعا لهذا النوع من النظافه الان مع شركة الكمال المتخصصه فى جميع اعمال التنظيف بالطرق ولالات الحديثه التى تحتوى عمال ماهرون ومدربون وعندهم خبره عاليه فى اعمال التنظيف كما انها يوجد لديها عمال ماهرون ومدربون الى اعله مستوى من المستويات وان شركة الكمال يوجد لديها خدمات اخرى
    مثل تسليك المجارى وعزل خزانات ونقل اثاث ورش مبيدات ومكافحة حشرات فى جميع المملكه العربيه السعوديه
    شركة الكمال
    شركة مكافحة حشرات بالرياض

    شركة مكافحة حشرات بالدمام

    شركة مكافحة حشرات بالطائف

    شركة مكافحة حشرات بجازان

    شركة مكافحة حشرات بحائل


    شركة رش مبيدات بالرياض

    شركة رش مبيدات بالدمام

    شركة رش مبيدات بالطائف

    شركة رش مبيدات بجازان

    شركة رش مبيدات بحائل

    شركة نقل اثاث بالرياض

    شركة نقل اثاث بالدمام

    شركة نقل اثاث بالطائف

    شركة نقل اثاث بجازان

    شركة نقل اثاث بجازان

    شركة نقل اثاث بحائل

    ReplyDelete